Đĭ pơhiăp amăng mông ngă lơphet, ơi Võ Tấn Đức - Khua Jơnum min mơnuih ƀôn sang tơring čar Đồng Nai brơi thâo: Ngă tui jơlan hơdră plơi pla phrâo, tơring glông Xuân Lộc lĕ tơring glông ba jơlan hlâo amăng bruă ngă tui “4 mơta hơmâo”, plơi pla phrâo, plơi pla phrâo tui kru hle hăng plơi pla phrâo klă hloh. Tui ơi Đức, boh than dưi ngă mơng tơring glông Xuân Lộc amăng man pơdong plơi pla phrâo yôm phăn biă mă amăng pơđĭ kyar bơwih ƀong huă-mơnuih mơnam amăng tơring glông Xuân Lộc lăi phara hăng amăng tơring čar hnun mơn.

Sit biă ñu lĕ hơmâo anŏ kơđŏm glăi phrâo amăng pơđĭ kyar mơng jơlan hơdră plơi pla phrâo. Gah tơring glông, yă Nguyễn Thị Cát Tiên-Khua Jơnum min mơnuih ƀôn sang tơring glông Xuân Lộc pơsit tong, bruă dưi ngă amăng man pơdong plơi pla phrâo tui kru hle lĕ mơng abih bang mơnuih ƀôn sang, 80% rơnoh prăk hăng hrơi mông mă bruă kiăng man pơdong plơi pla phrâo tui kru hle lĕ mơng abih bang mơnuih ƀôn sang.