hăng čơkă mă Miđai mă bruă dăp tal 3. Rơgao 35 thun pơdŏng hăng pơđĭ kyar, 10 thun ngă tui Jơlan hơdră pơkă mơng Lŏn ia pơdŏng plơi pla phrâo, tơring glông Lâm Hà – kual bơwih ƀong phrâo mơng mơnuih Hà Nội ƀơi lŏn Lâm Đồng hmâo laih yak pơđĭ kyar pơhlôm abih bang hơdôm bruă.

Čơkă mă Miđai mă bruă dăp tal 3 mơng Khua mir sir ƀơk kơ tơring glông Lâm Hà

Truh ră anai, pơhrui glăi hơnong ñu lom sa akô̆ mơnuih hmâo rơbêh kơ 52 klăk prăk, đĭ lu hloh 2,5 wot bơhmu hăng 10 thun hlâo adih; mrô sang anô̆ ƀun rin ăt hrŏ trun lăp yap ba mơn, ră anai kơnong kơ dô̆ 1,68%; 100% mrô să dưi tŭ yap djơ̆ hăng plơi pla phrâo; jing tơring glông tal 5 mơng tơring čar Lâm Đồng dưi hmâo Khua dêh čar tŭ yap lĕ tơring glông djơ̆ hăng plơi pla phrâo rơwang 2016-2020; hăng ư-ang dưi hmâo Khua mir sir dêh čar ta ƀơk pri bơni Miđai mă bruă dăp tal 3. Ră anai, đơ đam tơring čar Lâm Đồng hmâo laih 107/111 mrô să djơ̆ hăng plơi pla phrâo, 2 bôh plơi prong ngă giong bruă pơdŏng plơi pla phrâo hăng 5 bôh tơring glông dưi tŭ yap djơ̆ hăng plơi pla phrâo./.