Anai lĕ gưl bơkơnar hăng tơring glông blung a ƀơi tơring čar Dak Lak dưi tŭ yap ngă giong tơhnal pơkă man pơdong plơi pla phrâo mơ̆ng thun 2016-2020. Plơi prong Ƀuôn Ma Thuôt hơmâo 21 boh să hăng 13 boh phường, mrô mơnuih ƀôn sang rơbêh 380 rơbâo čô, hơmâo 40 djuai ania dŏ hrom. Lơ̆m pok pơhai hơdră man pơdong plơi pla phrâo, djop să dŏ tơnap tap đôč. samơ̆ gir run abih pran jua gum pơgôp nao rai tong ten hăng gong gai kơnuk kơna laih anun mơnuih ƀôn sang Ƀuôn Ma Thuôt hrưn đĭ hơmâo lu boh tơhnal tŭ yua hlom bom.

Thun 2018, plơi prong hơmâo 8/8 boh să dưi hơmâo khua tơring čar Dak Lak kĭ hră tŭ yap plơi pla phrâo, tañ hloh 2 thun pơkă hăng akŏ bruă jao. Rơbêh 10 thun ngă tui hơdră pơdong plơi pla phrâo, plơi prong Ƀuôn Ma Thuôt hơmâo lu tơlơi pơblih phrâo, jơlan glông nao rai amăng plơi prong djơ̆ tơhnal pơkă plơi pla phrâo, yua jing anih phun či nao pơ djop tơring glông amăng tơring čar laih anun ba jơlan hlâo amăng bruă akŏ pơdong anom ngă ƀong hrom, grup ngă ƀong hrom hơmâo lu gơnam OCOP. Plơi prong Ƀuôn Ma Thuôt kơtưn gir truh thun 2025, 8/8 boh să dưi ngă djơ̆ tơhnal pơkă plơi pla phrâo.