VOV4.Jarai - Ƀơi anăp bruă hơmâo klin Covid-19 kơtang, kiăng ep ƀuh tañ F0 amăng plơi pla, Jơnum min mơnuih ƀon sang plơi prong Buôn Ma Thuột, tơring čar Dak Lăk hơmâo pơčrang kman hmar SARS-CoV-2 ƀơi plơi prong tal 2. Tui anun, plơi prong amra test hmar kơ 16 boh să, phường hơmâo klin kơtang anun lĕ: phường Ea Tam, Tân Tiến, Tự An, Tân Lợi, Tân Lập, Tân An, Thắng Lợi, Tân Hòa, Thành Nhất, Thành Công, Tân Thành, Thống Nhất, să Cư Êbur, să Hòa Thuận, Hòa Thắng và să Ea Tu. Hrơi pơphun ngă mơng lơ 6/11 hăng pơđut hlâo kơ lơ 9/11/2021.
Plơi prong Buôn Ma Thuột amra test hmar brơi mơnuih
ƀon sang
Kiăng pơhlôm djơ̆ mông pơkă, plơi prong amra akŏ pơdong 204 grup pơčrang kman, rim grup hơmâo pơčrang brơi năng ai 500 čô/hrơi. Bruă pơčrang kman amra mă kiăo tui akŏ sang, mă čơđeh ia adung dơ̆ ƀơi pơčrang hlâo dơ̆ anun, pơgôp hrŏm, pơƀut ƀu dưi rơgao kơ 3 čô/ha kơdung ia adung, ia khak.
Siu H’Mai: Pơblang
Viết bình luận