VOV4.Jarai - Plơi {ui, să Nghĩa Hưng, tơring glông C|ư\ Pah le\ sa plơi pla phrâo amăng kual mơnuih djuai ania [iă [ơi tơring c\ar Gialai. Kiăng kơ hơmâo tơlơi hơdip trơi pơđao hăng man pơdong plơi pla jai hrơi pơdrong asah, hro\m hăng tơlơi gum djru mơng Kơnuk kơna, neh met wa djuai ania Jarai [ơi anai [u pơdơi hrưn đ^, gir run bơwih [ong huă, hla tui arăng pơtô amăng ngă đang hmua.

Amăng hơdôm hrơi rơnuc\ thun, lo\n adai ta` mơmo\t, mơnu\ ta` đ^ pit hăng than kyâo, ơi Ksor Phái phrâo mơgat rơdêh kông nông glăi truh pơ plơi {ui. ~u brơi thâo, sang ano\ glăk gir run ngă pơgiong sa ektar hmua pơdai ia, sai giong pơdai kah mơng hơđong pran jua c\ơkă thun phrâo.

Jơlan glông [ơi Plei {ui man pơkra hiam hruah

Gir kơtir bơwih [ong huă kah mơng sang ano\ dưi hơmâo prăk pơhrui, c\em rông 5 c\ô ană hrăm lêng kơ abih anih 12 soh. Amăng sang pơprong phrâo man pơdong, ơi Ksor Phái brơi thâo, sang hơđăp ră anai pioh pơdai, kơphê hăng rơdêh, măi mok yơh. Prăk pơhrui kơ sang ano\ pơhrui hloh le\ mơng 3 ektar kơphê, hơmâo pla glăi pơjeh phrâo kiăng pơhrui lu [iă laih.

Hlâo adih, ngă tui tơlơi juăt ăt [u ba glăi tu\ yua lơi. Yua kơ hơmâo [ing apăn bruă thâo rơgơi amăng bruă ngă đang hmua hăng rơkâo hyu hrăm arăng pơtô ieo gah kiăng kơ hmư\ [ing apăn bruă pơtô tong ten kơ bruă ngă hmua, pơđ^ kyar tơlơi bơwih [ong huă kâo kah mơng dưi ngă.

Pơhmutu le\ bruă pruai kơmơk, kiăng ruah kơmơk klă lơ\m mă yua, bruă luk kơmơk hăng pruai brơi phun pla djơ\ hrơi mông; bruă pơgang hlăt mo\t pơc\răm phun pla…kiăng kơ klă hơdôm bruă anai kho\m hla tui arăng pơtô. Yua kơ sang ano\ gơmơi ngă tui djơ\ arăng pơtô đang kơphê hluh đ^ hiam biă mă, pe\ pơhrui hmâo hmăi mơn.

Ơi Rc\om Pưnh, Khua [ut plơi {ui, să Nghĩa Hưng, tơring glông C|ư\ Pah, brơi thâo, gir kơtir mă bruă, ngă tui arăng pơtô, yua anun djuai ania Jarai [ơi anai dưi hrưn đ^ pơklaih mơng [un rin, man pơdong plơi pla phrâo. Hơmâo tơring c\ar Gialai ruah le\ plơi pla phrâo, plơi {ui hơmâo Kơnuk kơna đing nao biă mă amăng bruă djru man pơkra anih anom.

Thâo rơđah tơlơi c\râo trun mơng Kơnuk kơna, neh met wa pơyơr lo\n, gum pơgôp amăng bruă man pơkra jơlan amăng plơi pla brơi hiam hruah laih dong pơkra glăi jơlan nao pơ hmua dong.

{ô| mơta plơi {ui glăk jai hrơi hiam tui. Hơdôm tơlơi pơlih prong hloh le\ amăng tơlơi pơm^n, thâo rơgơi amăng pơđ^ kyar tơlơi bơwih [ong huă hăng pơjing tơlơi hơdip phrâo kơ mơnuih [on sang. Neh met wa [u do\ tơguăn tơlơi gum djru mơng kơnuk kơna dong tah.

Ơi Rc\om Pưnh bơră ruai glăi, plơi hơmâo 120 boh sang ano\, ră anai do\ kơnong 4 boh sang ano\ [un rin đôc\ le\ hơdôm sang ano\ [u hơmâo mơnuih mă bruă, lo\n ngă hmua anet.

Ră anai mơnuih [on sang ngă hmua pơdai ia, kơphê hăng pla phun kyâo boh troh. Hlâo adih, [ing gơmơi aka [u thâo pla pơjing ôh yua anun prăk pơhrui [iă đôc\. Ră anai yua kơ hơmâo djop gưl gơnong bruă pok anih pơtô hrăm amăng plơi pla kiăng pơtô brơi bruă ruah pơjeh kơphê phrâo mơboh kiăng dưi pe\ pơhrui lu [iă dong.

Hơmâo prăk kak laih dong thâo yua pokrem amăng sang ano\, ană bă dưi hrăm hră truh anih. Hăng [ing gơmơi pơtô glăi hơdôm sang ano\ tơnap tap pơko\n ngă tui amăng tơlơi bơwih [ong huă kiăng pơplih tơlơi hơdip.

{ing gơmơi pơtô pơblang, pơtă pơtăn ană amon kiăng gir run amăng bruă mă, hrăm hră thâo rơgơi tui hơdră pơplih phrâo, c\em rông ană bă klă [iă dong, hrưn đ^ amăng tơlơi pơm^n kiăng kơ mơnuih [on sang thâo hluh rơđah tơlơi c\râo trun mơng Ping gah, Wa Hồ. Hrăm kiăng thâo lu tui dong hăng hơdip gir run jing mơnuih hơdip hiam klă tui Ping gah hăng Kơnuk kơna.

Plơi {ui ră anai jơlan glông hiam hruah laih pơkuh nao rai kar hăng kơ[ang ngui kơ – anai le\ sa tơlơi pơplih phrâo yôm phăn amăng kual mơnuih djuai ania [iă [ơi kual C|ư\ Siăng.

Jơlan glông hơmâo tuh [êtông truh pơ đang hmua

Lăng nao sang pơdong plek plok kơplah wah hơdôm đang pla phun kyâo boh troh mơtah mơda le\ hơdôm boh bơbung sang pơprong glông. Tơdah kiăng thâo krăn plơi pla mơnuih djuai ania [iă le\ [ing ta lăng nao anih dưm djuh, hăng hơdôm aban ao [hu [ơi anăp sang thâo mơtăm yơh…

Tha plơi ơi Puih Bum, plơi {ui, să Nghĩa Hưng, tơring glông C|ư\ Pah, hok mơ-ak biă mă yua kơ tơlơi hơdip glăk pơlih tui [ơ[rư\ ră anai, neh met wa djru tơdruă kiăng gir run pơjing plơi {ui jai hrơi pơdrong asah, djơ\ hăng hơnong pơkă plơi pla phrâo amăng tơirng c\ar Gialai:

Lăng nao djop mơta, ră anai plơi {ui hơmâo pơplih lu biă mă, jơlan glông pơkra hiam hruah. Anai le\ boh than ba glăi mơng pran gum pơgôp mơng abih bang mơnuih [on sang laih dong tơlơi gum djru mơng Kơnuk kơna.

{ing apăn bruă amăng plơi pla, jơnum min djop djuai ania le\ khul grup ba jơlan hlâo ba plơi pla [ing gơmơi hrưn đ^, [ô| mơta plơi pla pơplih phrâo yua anun [ing gơmơi hok mơ-ak biă mă. Abih bang mơnuih lêng kơ gir run man pơdong plơi pla jai hrơi hiam klă, pơđ^ kyar hơđong.

Hăng pran gum hro\m mơng mưonuih [on sang, tơlơi gum djru mơng Kơnuk kơna, plơi {ui amra jai hrơi trơi pơđao yâo mơ-ak. Hăng tơlơi pơlih phrâo kơ neh met wa amăng plơi {ui glăk lar hyu djop plơi pla ala [on mơnuih djuai ania [iă [ơi să Nghĩa Hưng gir run hrưn đ^ amăng hơnong pơkă plơi pla phrâo, gum pơgôp pơjing tơring glông C|ư\ Pah ngă pơgiong tui hơnong pơkă plơi pla phrâo pơ anăp anai.

Siu Đoan: Pơblang hăng pôr