VOV4.Jarai-Tơkeng rai pro# tơdăm prăm dra do\ pơ tơring glông Krông Năng, tơring ]ar Daklak samơ\ Nông Văn Tân plơi pla hơđăp `u pơ Cao Bằng adih.

 Anih `u do\ pơdong plơi pla hơmâo lu mơnuih mơ\ng plơi pla hơđăp nao bơwih [ong hrom, `u pro# tơdăm prăm dra ăt do\ amăng anih hơmâo jua gong tính, tơlơi adoh then plơi pla hơđăp, yua kơ anun lơ\m nao do\ bơwih [ong huă pơ  kual Dap kơdư hai samơ\ yua hor đơi kơ tơlơi adoh đưm djuai ania, anun ako\ pơjing grup pe\ gong tính, adoh then kiăng djă pioh gru grua tơlơi thâo thăi đưm dưi bang hyu amăng djuai ania pô do\ amăng anih plơi pla phrâo.

Dơ\ng lơ\ng lu thun hăng anai, jua gong tính, er tơlơi adoh then mơ\ng [ing ding kơna grup Jua gong tính plơi pla jing juăt h^ laih hăng r^m ]ô mơnuih [on sang Plơi Ea Ka`, să Dliê Ya, tơring glông Krông Năng, tơring ]ar Daklak.

Ayong Nông Văn Tân gah ieo hrom hăng gong tính `u

Grup adoh suang pe\ gong anai ako\ pơjing mơ\ng thun 2012, ră anai hơmâo 20 ]ô ngă ding kơna. Anai le\ [ing asar pơjeh amăng bruă mă gru grua adoh suang amăng plơi pla, juăt hyu pơdah tơlơi adoh suang pơplông hăng lu kual amăng tơring ]ar hăng dêh ]ar, ba glăi lu tơlơi apah bơni.

Ayong Hoàng Văn Quyết, ding kơna amăng grup Jua gong tính plơi pla, plơi Ea Ka`, să Dliê Ya, tơring glông Krông Năng, tơring ]ar Daklak brơi thâo:

‘’Kâo mut ngă ding kơna grup truh ră anai 4 thun laih. Dơ\ng mơ\ng anet hmư\ laih jua gong tính hăng tơlơi adoh then anun hor biă mă.

Hơmâo tơlơi djru pơtô ba mơ\ng ayong Tân anun thâo laih mơ\n, sa le\ hyu adoh hăng arăng, dua le\ rơnuk ]ơđai phrâo ăt kiăng djă pioh hăng pơlar tui gru grua thâo thăi djuai ania Tày, Nùng mơ\ng plơi pla pô hơđăp’’.

Khua grup adoh suang anai le\ ayong Nông Văn Tân, djuai ania Tày, tơkeng thun 1987. Kiăo tui sang ano\ do\ pơ tơring ]ar Daklak rơbêh 30 thun laih, khă aka [u glăi djơ\ pơ plơi pla hơđăp sa wơ\t ôh pơ Cao Bằng, samơ\ dơ\ng mơ\ng anet mơtam, `u hor biă mă er tơlơi adoh then, jua gong tính mơ\ng am^ ama `u adoh brơi.

Grup adoh suang jua gong tính plơi pla hăng tal nao pơdah adoh suang

Anun truh `u prong hmư\ bro#, pok [ăng adoh amăng kaset anun `u hmư\ tính tẩu hăng adoh then kiăng hrăm tui. {rư\ [rư\ tơlơi adoh anun, mut tơma amăng pran jua `u, amăng dlô ako\, jing hor hlao.

~u ako\ pơjing grup Jua gong tính plơi pla, pơtum [ing mơnuih hor kah hăng `u, brơi djă pioh, pơtô glăi tơlơi adoh then, pe\ jua gong tính.

Sit hơmâo wăn hă, ayong Nông Văn Tân hyu tơ`a hơduah, ]ih pioh tơlơi adoh đưm then, tơlơi pơtưh hmư\ mơak.

Truh bơyan pơdơi prong, `u glăi pok anih pơtô brơi soh sel đô] kơ arăng hrăm pe\ gong tính, adoh then kơ hlơi pô hor. {u djơ\ kơnong amăng plơi, amăng să đô] ôh, tăp năng pơtô kơ [ing ]ơđai muai, [ing met anong, ayong adơi, neh wa ataih hrăm, nao truh pơ Daknông ăt pơtô brơi mơ\n.

Aka [u ]ơđo\p ôh dơ\ anun, ayong Tân do\ hrăm tui, tơ`a hăng pơkra gong tính. Lu gong tính `u pơkra mă yua amăng grup adoh suang gơ`u pơkra mă pô soh.

~u pơkra bơblih tui phrâo, dưi dưm truă mikrô pioh pơdah amăng anih tơrưng adoh suang lu mơnuih lăng gêh gal hloh. Hrom hăng anun, ayong Tân do\ pơkra rai gong tính 6 arăt hre\ hăng 12 arăt hre\ gong đưm gah djuai ania Tày, Nung. Ayong Nông Văn Tân lăi:

‘’Dơ\ng mơ\ng ako\ pơjing grup adoh suang, pok anih pơtô adaoh suang truh ră anai, mơnuih [on sang amăng plơi, amăng să ăt pơtrut ană tơ]ô gơ`u nao hrăm kiăng djă pioh gru grua thâo thăi đưm djuai ania pô.

Kâo pô hai, yua hor anun pơkra gong anai, hruă nao hruă rai, tăp năng hơmâo amăng mlam truh 11-12 mông mlăm aka pit mơ\n, djă ano\ sah, sah pơkra ba mơtam tơl `u mơ`i hiam kah lui.

Gong ta pơkra pơ anai `u phara hăng gong pơ kual gah Kơdư adih, ta dưi truă nao mikrô, gêh gal biă kơ bruă hyu pơdah suang hyu amăng djop anih amăng dêh ]ar’’.

Jua gong tính, er tơlơi then kah hăng gơnam [ong huă [u thâo kơ[ah ôh mơ\ng mơnuih djuai ania Tày Nung do\ ataih mơ\ng plơi pla hơđăp

Bơnai `u ăt djru hrom `u mơ\n ayong Nông Văn Tân amăng bruă djă pioh gru grua thâo thăi jua gong tính, er tơlơi adoh then, amai Trần Thị Tuyết, lăi, tơdơi kơ mông wăn mă bruă hơduah [ong huă, abih sang ano\ `u adoh then pe\ gong tính yơh kiăng mơak, kah hăng sa tơlơi pơtruh nao rai tơlơi khăp amăng sang ano\ lu hloh.

‘’Hlâo kơ krăn `u kâo thâo `u hor adoh hăng khăp kơ bruă pơkra gong bro#. Laih pơdong rơkơi bơnai gơmơi kâo ăt dong yua hăng djru hrom kiăng `u hơđong pran jua.

~u ako\ pơjing grup adoh suang pe\ gong tính, adoh then, kâo ăt hrăm hrom [ing adơi amai, anun le\ sa tơlơi mơak, hlăk ai ră anai ăt kiăng djă pioh mơ\n gru grua đưm djuai ania pô’’.

Rơbêh 30 thun do\ pơ plơi pla phrâo, er tơlơi adoh then, jua gong tính jing sa gơnam [ong huă ngă  mơak pran jua [u thâo kơ[ah, kah bơngăt jua hơdor glăi kơ plơi pla hơđăp pơ Cao Bằng mơ\ng mơnuih djuai ania Tày, Nùng [ơi plơi Ea Ka`, să Dliê Ya, tơring glông Krông Năng, tơring ]ar Daklak.

Ơi Nông Văn Páo, khua plơi Ea Ka` brơi thâo, yua tơlơi hur har jak iâu mơ\ng Nông Văn Tân, găn rơgao h^ tơlơi kơ [ah mơ\ng blung a, grup adoh then pe\ gong tính anai jai hrơi lu tui mơnuih mut hrom. Hrom hăng anun le\ [ing tơdăm dra ]ơđai muai thâo adoh then, pe\ gong tính jai hrơi lu tui mơ\n.

‘’Ayong Tân hur har biă mă amăng bruă djă pioh gru grua djuai ania pô. Ră anai `u ăt  thâo ming pơkra gong tính gah djuai ania Tày Nùng djop să amăng tơring glông Krông Năng blơi yua, tăp năng lu anih pơko\n ăt blơi mơ\n’’.

 Hơdôm tơlơi gir run pran jua mă bruă mơ\ng ayong Nông Văn Tân glăk tu\i apui jă djă pioh gru grua thâo thăi đưm djuai ania Tày Nùng kah hăng pe\ gong tính, adoh then pơhư] lu mơnuih ngă hrom.

{u djơ\ kơnong djă pioh hăng pơđ^ tui gru grua tơlơi adoh suang anai [ơi plơi pla phrâo đô] ôh, jua gong tính, er tơlơi adoh then do\ djru hrom ngă mơak pran jua gru grua tơlơi hơdip amăng plơi pla phrâo [ơi kual Dap kơdư Daklak.

Nay Jek: Pơblang hăng pôr