VOV4.Jarai - 17 thun mă bruă [ơi sang ia jrao să Ea Yiêng, tơring glông Krông Pa], tơring ]ar Daklak, amai Nin, djuai ania Hơdang, [u hu^ kơ tơlơi tơnap tap, khă adai hơjan [u dah pơ-iă, tơhrơi [u dah mlăm `u leng kơ hyu lăi pơthâo brơi kơ adơi amai hlâo kơ hrơi tơkeng ană…

 

{ơi mông Jơnum prong khoa pơ ala đơ đam dêh ]ar Khul ơi ia jrao hlăk ai dêh ]ar Việt Nam tal 3, rơwang bruă thun 2015-2020, amai Nin jing sa amăng 30 ]ô nai ia jrao hlăk ai ư-ang dưi nao Jơnum prong  bơni le\ nai ia jrao hlăk ai mă bruă [ơi plơi pla mơbruă hmâo bôh tơhnal prong.

 

            Thun 1999, tơdơi kơ hrăm giong Trung cấp y tế tơring ]ar Daklak, amai Nin nao mă bruă [ơi sang ia jrao să Ea Yiêng.

 

Anai le\ să [un rin hloh tơring glông Krông Pa], hăng lu m[s le\ djuai ania [ia\.

 

Să [un rin, anom mă yua tơnap tap, ataih mơng kual krah tơring glông rơbêh kơ 30 km.

 

{ơi kual asue\k, ataih jơlan nao rai tơnap tap, bruă bơwih brơi tơlơi suaih pral, wot tơlơi djai hơd^p mơng neh wa hluai tui biă `u hăng sang ia jrao să hăng [ing mă [uai [ơi plơi pla kah hăng amai Nin.

 

Rơgao lu thun mă bruă, amai Nin [u hơdor ôh pô dưi pơtlaih hơd^p brơi kơ hơdôm ]ô adơi amai hăng ]ơđai muai:

 

            “Kâo mă [uai ană ara\ng lu laih, samơ\ kâo hơdor hloh le\ hmâo dua ]ô mơnuih tơkeng tơnap.

 

Anăn pô anun Y Đoan, hlâo kơ tơkeng ană, kâo [uh `u  djai wat lu wot.

 

Kâo pơsur sang ano# ba nao ta` pơ\ Sang ia jrao prong tơring glông samơ\ [u dưi ôh.

 

Kâo mă [uai hăng bơwih brơi to\ng ten biă, bưng băi pô am^ hơdor glăi laih, ană `u suaih pral mơn.

 

Pô tal dua kâo mă [uai, pô am^ `u anăn Y Khuôn, anun le\ pô tơkeng ană tơkai rai hlâo.

 

{uh tơlơi anai hu^ rơhyư\t, kâo hrom hăng mơnuih mă bruă ia jrao yo\ng `u đ^ hăng dlông rơdêh thek pioh ba nao pơ\ sang ia jrao tơring glông le\, to# tơno# hrô tơbiă 2 [e\ tơkai ană nge.

 

Kâo mă [uai hăng djru pơtlaih hơd^p brơi dua am^ ană gơ`u.”

 

Amai Y Nin pô mă [uai Sang ia jrao să Ea Yiêng, Krông Pa], Daklak

            Hăng hơdôm bruă mă bă kơ tơlơi gơgrong hăng khăp kơ ană mơnuih, amai Nin dưi lăng pô mă [uai djuai ania [ia\ [ơi să Ea Yiêng đăo gơnang, kiăng khăp.

 

Amai Y Sek, djuai ania Hơdang, brơi thâo:

 

            “Bruă mă [uai mơng amai Nin kâo đăo biă. Khă hlơi plơi hơpă, tơhrơi [u dah mlăm `u leng kơ nao sôh.

 

Dua ]ô ană kâo anai le\ yua kơ amai Nin mă [uai hăng bơwih brơi. Khă tơkeng tơnap [u dah [u tơnap `u leng kơ lăi pơthâo brơi hăng djru kâo sôh.

 

Gơnang kơ hmâo tơlơi găn gao, lăng tơlơi hơd^p ană mơnuih yôm hloh, amai Nin truh kih laih amăng bruă mă. Kâo đăo gơnang biă kơ `u.”

Amai Y Nin [ơi sang `u pô

            Ayong A Mil, Khoa hơđăp sang ia jrao să Ea Yiêng, jing mơnuih mă bruă hrom hăng amai Nin amăng lu thun rơgao, brơi thâo:

 

            “Hlâo dih tơnap tap biă, [ơi plơi pô akă hmâo pô mă [uai. Kâo ư-ang biă sang ia jrao să hmâo sa ]ô mơnuih kah hăng amai Nin, [u djơ\ kơnong kơ rơgơi amăng bruă pô mă đu] ôh `u do# abih pran jua, hmâo tơlơi gơgrong prong pioh djru pơtlaih hơd^p kơ ană mơnuih.

 

Ră anai, sang ia jrao să ăt dưi hmâo Kơnuk kơna tuh pơ plai sa dua mơta gơnam mă yua, hmâo anih pel e\p tơlơi ruă kơ đah kơmơi; đah kơmơi nao pel e\p kian hrim blan.

 

Abih bang adơi amai [u hmâo hlơi tơkeng pơ\ sang kah hăng hlâo dih dong tah.”

 

{ơi mông jơnum prong tal 3 rơwang bruă 2015-2020 amai Y Nin dưi hmâo {irô ding jum ia jrao [ơk hră bơni pô mă ]uai mơbruă [ơi plơi pla

            Blan 10/2016, amai Nin ư-ang dưi hmâo Khoa [irô ding jum wai lăng bruă ia jrao dêh ]ar ta [ơk hră bơni :hmâo lu bôh than prong gah Nai ia jrao hlăk ai do# mă bruă [ơi plơi pla mơbruă”.

 

Hăng amai Nin, tơlơi mơ-ak prong hloh le\ do# mă bruă anai dong [ơi plơi pla, jing sa pô mă [uai rơ-ơ\ tơngan, pơđ^ tui hơdôm tơlơi suaih pral kơ ană nge tơkeng rai mơng kual asuek, ataih.

                                                                        Siu H’ Prăk: Pô ]ih hăng pôr