VOV4.Jarai-Amăng hrơi jơnum ngui ngor Festival bơnga Đà Lạt tal VII, pơphun amăng rơnuc\ thun 2017 phrâo rơgao, Jơnum min mơnuih [on sang Lâm Đồng pơphun Jơnum pơđ^ kyar plơi prong Đà Lạt pơlir hơbit hăng bruă rơnak lui tui hăng kơc\ăo bruă ming pơpka  plơi prong Đà Lạt, laih anun kual jum dar plơi prong truh thun 2030, anăp nao thun 2050.

Rơbêh 100 c\ô khoa pơ ala le\ [ing kơhnâo, gah bruă pơdong sang, khoa pơ ala anom bruă, sang hră amăng dêh ]ar ta glăi jơnum hro\m laih anun hơmâo lu tơlơi pơgô|p hiăp kơ jơlan hơdră pơđ^ kyar Đà Lạt amăng hrơi pơgi kơdih.

Jơnum bơkơtoai pơsit, rơngiao mơng ayuh hyiăng hăng anih anom, Đà Lạt hơmâo gru grua phara, laih anun hơmâo gru grua plơi prong ‘’hơmâo sa [u hơmâo dua dong tah’’, anai le\ plơi prong hơmâo lu nua yôm, jing sa amăng hơdôm plơi prong pơdơi pơdă ngă pơhưc\, hiam hloh mơng Việt Nam.

Tui hăng kơc\ăo bruă pơkra ming plơi prong truh thun 2030 hăng anăp nao thun 2050 hơmâo laih Khoa dêh ]ar ta pơsit, Đà Lạt hơmâo pơkra ming kiăng wai lăng, pơđ^ kyar jing plơi prong hmư\ hing yôm kơ bruă man pơdong, gru sang, gru grua mơng đưm hlâo, anih anom yang pơjing;

man pơdong Đà Lạt jing plơi prong tuai c\uă ngui – gru grua – boh thâo ia rơgơi, mơtah laih anun tui rơnuk phrâo hơmâo kơdrưh amăng jar kmar.

Amăng anun, bruă rơnăk lui hăng pơđ^ kyar le\ tơlơi pơplir hơbit ngă na nao amăng kơc\ăo bruă c\uk pơkra, laih anun kiăng ngă dưm knar, djo\p djel hăng tu\ yua.

Khă hnun hai, bruă pơkra pơjing plơi prong Đà Lạt ta` jing ngă Đà Lạt pơ[uh rai lu tơlơi aka [u djơ\: gru sang do\, anih anom amăng plơi prong [u dưm kơnar laih anun [u hiam đơi ôh;

đơ đam lo\n pla kyâo mơtah hăng dơnao ia jing anet tui; anih anom amăng plơi prong lu rơgao đơi; [u dưm kơnar, [u pơlir hơbit kơplah wah pơđ^ kyar sang mơnil- sang jal ngă đang hmua hăng anih anom plơi prong ôh;

bruă wai lăng kac\ gru, anih anom, pơđ^ kyar, tuh pơ alin, biă mă `u le\ bruă rơnăk anih anom, gru grua sang do\ đưm ngă kaih biă mă.

Pô rơgơi bruă ngă gru sang Trần Ngọc Chính, Khoa Khul ming pơkra, pơđ^ kyar plơi prong Việt Nam lăi le\, kiăng lăi nao jơlan hơdră rơnăk hăng pơđ^ kyar Đà Lạt, blung a le\ kiăng thâo kjăp 4 mơta tơlơi yôm phun phara amăng plơi prong:

‘’Kiăng lăi nao kơ Đà Lạt le\ [ing ta kho\m [uh tơlơi yôm phun mơ\ phara biă hăng plơi prong pơko\n amăng Việt Nam ta.

Kâo lăi pơtong Đà Lạt hơmâo 4 mơta tơlơi yôm biă mă mơng đưm.

4 mơta tơlơi mơng Đà Lạt anai le\ phara hăng plơi prong pơko\n amăng dêh ]ar ta, yua anun lơ\m [ing ta ming pơkra le\ kiăng kơsem min c\i man pơdong plơi prong anai hiư\m pă c\i pơgang brơi gru hiam anun kah Đà Lạt mơng pơđ^ kyar djơ\ hăng plơi prong tuai c\uă ngui pơdơi pơdă laih anun gru grua yôm kơdrưh amăng jar kmar’’.

Hơdôm [ing kơhnâo hơmâo lăi nao laih kơ hơdră wai lăng rơnăk lui gru anih anom Đà Lạt tui hăng jơlan hơdră jing plơi prong phrâo, tơlơi lông lăng hăng tơlơi gêh gal;

pơđ^ kyar anih anom gru grua đưm, ayuh hyiăng lo\n adai bơwih brơi tuai c\uă ngui Đà Lạt; hơdră wai lăng plơi prong hăng ring bruă kac\ gru anih anom hơmâo nua yôm;

sa, dua tơlơi thâo thăi hrăm tui amăng dêh ]ar ta hăng jar kmar kơ bruă wai lăng răk rem…

Tui hăng ơi Lê Quang Trung, Khoa Gơnong bruă man pơdong tơring ]ar Lâm Đồng, mông jơnum pơc\rông hơmâo lu tơlơi thâo mơbruă kiăng kơđiăng, hrăm tui;

anun le\ boh thâo ia rơgơi kiăng Lâm Đồng yak nao amăng bruă sem lăng rơđah rơđông, ruah mă hơdră wai lăng rơnăk lui hăng pơđ^ kyar klă hloh hăng plơi prong Đà Lạt amăng hrơi pơgi kơdih:

‘’Amăng mơta lăng kơ [ing thâo mơbruă lăi pơthâo kơ Jơnum min mơnuih [on sang Lâm Đông le\, [ing gơmơi lăng [uh ri\m tơlơi pơc\rông lêng ba tơbiă kơ tơring ]ar jơlan yak nao tong ten.

Tap năng [ing ta amra ngă tui bruă wai lăng, rơnăk kơ plơi prong Đà Lạt, samơ\ ăt kho\m pơhlôm pơđ^ kyar plơi prong Đà Lạt amăng hrơi pơgi kơdih hiư\m pă.

Anai le\ sa amăng hơdôm mông jơnum kiăng tui tơlơi thâo mơbruă le\ kâo pơmin hiam klă biă mă, bơwih yôm brơi bruă wai lăng tơdơi anai mơng Đà Lạt’’.

                                                             Siu H’Mai: Pô c\ih hăng pôr