VOV4.Jarai-Dong mơng ako\ thun 2016 truh ră anai, đơ đam dêh ]ar ta hơmâo [uh 7 ]ô mơnuih ruă bơbrah sơ\l dlô, amăng anun sa ]ô djai. Anai le\, tơlơi ruă [iă [uh glăi amăng lu thun hăng anai samơ\ tơlơi ruă anai hu\i rơhyưt biă mă. Yua kơ anun yơh, r^m ]ô mơnuih anăm ngă amưng ôh kơ drơi jăn ta pô, khom sem lăng hơduah tơ`a kiăng thâo rơđah laih anun kiăng hơmâo hơdră pơhlôm pơgang mă ta pô klă hloh.

            Tơlơi ruă bơbrah sơ\l dlô kraih jing tơlơi ruă [ă mơng mơnuih ruă truh kơ mơnuih pral, tui jơlan suă jua, yua kman ngă sat mut amăng dlô ako\ anăn kman Neisseria meningitidis. Tơlơi ruă anai, ngă bơbrah amăng dlô [udah ngă ruă amăng drah dlô, ngă ruă tơl djai tơdah [u hơmâo thâo hăng pơjrao hmao kru.

            Tơlơi ruă bơbrah sơ\l dlô hơmâo raih daih [udah `u amra jing klin [ơi lu anih anom amăng ro\ng lo\n tơnah, lu biă mă `u amăng bơyan phang bơnga. Tơlơi ruă anai hơmâo [ơi djo\p mơnuih, [u lui kơ hlơi ôh, mơnuih tha muai ]ơđai hlak hai tưp soh, samơ\ juăt hơmâo lu biă mă `u [ing ]ơđai muai gah yu\ kơ 5 thun, [ing tơdăm ngek dra muai mơng 14 thun truh kơ truh tơdăm dra 20 thun ăt hơmâo mơn, mơnuih [on sang do\ [ơi kual plơi pla lu hơmâo lu mơnuih laih anun [ing mơnuih drơi jăn pơ-ai buai [u dưi bong glăi hăng kman duăm ruă juăt hơmâo.

            Tơlơi mưn `u [udah ta juăt [uh tơlơi bơkơnăl kiăng thâo kran le\, pô ruă duăm hlor pơ-iă kơtang, hlor kraih, ruă ako\, hao [le\ pơtah, khăng tơkuai, [u thâo pơmin, hual duăl dlô ako\, [uh pơ [le\ ]ut pơđung drah, drah bru\ amăng kl^ kliăng drơi jăn, juăt [uh [ơi tơkai. }ơđai anet tăp năng ruă kian pơtah ]roh, ]ơđông [ơi ako\ buk đ^, [ơi klong klưt le\ rơ-un.

            Ơi ia jrao chuyên khoa 2, Hoàng Ngọc Anh Tuấn, Khoa anom pơjrao ]ơđai muai duăm kraih hăng pơjrao ]ơđai nge [ơi sang ia jrao prong tơring ]ar Daklak brơi thâo:

            Tơlơi hu\i rơhyưt mơng tơlơi ruă bơbrah sơ\l dlô le\, lơm ta thâo kran hơmâo tơlơi ruă laih [u hơmâo ngă tui hơdră pơhlôm hlâo hăng pơjrao khut khăt, `u lar tui hmar biă mă. Hơdră pơjrao, tơdah [u hơmâo pơkă lăng tong ten djơ\ mơtam, mơnuih ruă amra djai yơh amăng dua hrơi mlam jing 24 mông đô]. 

            Tơlơi mưn pơ[uh juăt hơmâo, sit tơlơi ruă bơbrah sơ\l dlô ngă rai le\, drơi jăn ta hơmâo nam pơđung drah tit tut [ơi kl^ kliăng laih anun duăm hlor kơtang. Yua kơ anun, mơnuih amăng sang ano\ khom kơđiăng dlăng tong ten ano\ pơblih mơng drơi jăn mơnuih duăm, khom ba nao ta` pơ sang ia jrao mơtam klă hloh. Ơi ia jrao chuyên khoa 2, Hoàng Ngọc Anh Tuấn, Khoa anom pơjrao ]ơđai duăm kraih hăng pơjrao ]ơđai nge, sang ia jrao prong tơring ]ar Daklak pơtă pơtăn:

            Lơm [uh kl^ ]ơđai tơbiă pơđung drah, hơmâo tom duăm hlor, pơtu\k, hơdrap [le\ ia mơdung khom ba nao pơ sang ia jrao mơtam. Yua hu\i ]ơđai ruă kman ngă amăng jơlan suă jua, giong anun kah `u pơ [le\ hmơi, lu sang ano\ pơmin dah tơlơi ruă pơ [le\ hmơi [udah yua kơtăl đô]. Samơ\ [u djơ\ ôh. Tal blung a sit mơn tui anun, samơ\ tơdơi dong nam tơbiă drah `u ngă bru\ drah, djai asar. Anun le\, tơlơi [le\ yua tơlơi ruă bơbrah sơ\l dlô ngă.

            Khă tơlơi ruă anai hu\i rơhyưt biă mă samơ\ kman tơlơi ruă bơbrah sơ\l dlô, `u ăt pơ-ai buai [u kơtang mơn, `u amu` biă djai amăng anih hlor 60 đo# C pơdlông amăng 10 mơnit [udah djơ\ jrao ngă pơrơgoh, pơdjai kman đô] đa]. Yua kơ anun, bruă pơhlôm hăng pơgăn tơlơi ruă anai ăt amu` mơn, hăng hơdră:

            -Ngă klă bruă pơrơgoh drơi jăn, tơkai tơngan, rao tơngan hăng ia ]ơ[u pơdjai kman.

            -Kơbum ia, ]oa] rao rơkông đok hăng ia hra tơba [iă [udah mă kơbum ia pioh kơbum rao amăng bah tu\ mơn.

            -Kih rơmet pưk sang brơi agaih gông, rơgoh rơnăk.

            -Hơmâo hơdră pơtop rơjang drơi jăn klă kiăng bơkơtang pran jua.

            -Tla#o ia jrao pơgang kơ ]ơđai mơng 21 blan pơdlông  laih anun 3 thun tla#o pơgang glăi ha wơ\t.

            -Tơdah [uh tơlơi bơkơnăl hling hlang, đing đăo hơmâo tơlơi ruă bơbrah sơ\l dlô, khom nao pơ sang ia jrao mơtam pioh pơkă lăng hăng pơjrao hmao kru.

Nay Jek: Pô ]ih hăng pôr