VOV4.Jarai - Mơmŏt (17/12) ƀơi anom bruă Gong phun jua pơhiăp dêh čar (58 Quán Sứ, Hà Nội), Gong phun jua pơhiăp dêh čar Việt Nam (VOV) pơphun mơmŏt adôh suang hơdôm tơlơi adôh mơ-ak hloh mut nao pơplông rơnuč amăng tal pơplông pơčeh tơlơi adôh “Hát lên Việt Nam- Let’s sing Vietnam”. Anai lĕ tal pơplông pơčeh tơlơi adôh prong hloh, brơi abih bang mơnuih thâo pơčeh tơlơi adôh suang amăng dêh čar ta, mơnuih ƀon sang Việt Nam pơ tač rơngiao, lĕ ƀing mơnuih kiăng pơdah pran khăp kơ lŏn ia Việt Nam. Amăng mơmŏt adôh suang, 12 tơlơi adôh hơmâo adôh lĕ hơdôm tơlơi adôh mơ-ak hloh, ruah mơng 45 tơlơi adôh amăng tal pơplông rơnuč, anai lĕ hơdôm tơlơi adôh yôm mơ-ak hloh, ngă kơ lu mơnuih hor kah hăng Khul čom puang dong. Amăng 8 mông mơmŏt (18/12), mông jao pri Pơčeh tơlơi adôh “Hát lên Việt Nam - Let’s sing Vietnam” amra pơphun ƀơi Anom bruă Gong phun jua pơhiăp dêh čar Việt Nam (58 Quán Sứ, Hà Nội). Jơlan jơlan hơdră  amra pơdah amăng pla VOVTV, VTC1; pơdah ƀuh nao rai mơtăm amăng VOV1, VOV3; laih dong amăng VOV.VN, VTC Now, VTC News hăng hơdôm plang pơdah rŭp mơng Gong phun jua pơhiăp dêh čar Việt Nam.

Siu Đoan: Pơblang