VOV4.Jarai - Thun 2014, Gia Lâm le\ sa amăng dua boh să blung a [ơi tơirng glông Lâm Hà, tơring c\ar Lâm Đồng ngă tui hơnong pơkă man pơdong plơi pla phrâo.

Hăng hơdôm boh than dưi ngă, amăng hơdôm thun laih rơgao, mơnuih [on sang să Gia Lâm ăt glăk to\ tui ngă klă, gum gơnam hro\m, djru pran prăk amăng bruă man pơdong să plơi pla phrâo. Ba truh tơlơi anai, ăt kho\m lăi nao tơlơi gơgrong mơng [ing mơnuih hyu pơtô pơblang, pơtrut pơsur mơnuih [on sang ngă tui.

{ô| mơta plơi pla [ơi să Gia Lâm jai hrơi pơplih phrâo. Anih anom amăng plơi pla hơmâo man pơkra djơ\ hăng tơlơi kiăng mơng mơnuih [on sang. {ing c\ơđai hơmâo sang hră phrâo.

Jơlan glông amăng plơi pla hơmâo tuh [êtông abih lăng agaih gong, đ^ rơdêh mơ-ak hruah hăng amu` pơdu\ pơgiăng gơnam tam. Mơnuih [on sang hơmâo khin hơtai pơplih phun pla, prăk pơhrui mơng đang hmua lu tui, jum dar plơi agaih rơnăk.

{u djơ\ kơnong hơdôm tơlơi dưi ngă anai đôc\ ôh mơ ră anai gong gai [ong lan, jơnum min djop djuai anai hăng djop khul gru\p amăng să Gia Lâm glăk pơtrut kơtang bruă pơtô pơblang, pơsur mơnuih [on sang to\ tui gum tơngan hro\m ngă tui hơnong pơkă hle amăng man pơdong plơi pla phrâo.

Mơng thun 2019, gong gai pơtrun kơc\ăo bruă pơjing să tui hơnong pơkă  hle amăng plơi pla phrâo hăng hrơi blan pơkă ngă pơgiong truh abih thun anai. Ping gah hăng gong gai să Gia Lâm pơsit bruă yôm phun le\ bruă pơtô pơblang, pơsur mơnuih [on sang thâo hluh rơđah kơ tơlơi yôm hăng tơlơi gơgrong mơng mơnuih [on sang kah hăng djop anom bruă c\ar amăng bruă man pơdong plơi pla phrâo tui hơnong pơkă phrâo.

Ơi Đào Văn Hinh, Kơ-iăng khua git gai Ping gah, Khua jơnum min mơnuih [on sang să Gia Lâm brơi thâo:

Lơ\m pok pơhai bruă man pơdong plơi pla phrâo lăi hro\m hăng bruă man pơdong plơi pla phrâo tui hơnong pơkă hle hnun mơn, [ing gơmơi pơsit bruă pơtô pơblang, pơtrut pơsur mơnuih [on sang le\ bruă ako\ phun.

Ră anai, [ing mơnuih mă bruă lăi pơthâo amăng plơi pla ăt hyu pơtô pơblang, pơtrut pơsur tui hơdră lăp djơ\ kiăng mơnuih [on sang gum pơgôp pran prăk na nao, laih dong pơyơr lo\n, djru phun kyâo, man pơkra ming hơdôm ring bruă anih anom amăng plơi pla; gum tơngan hro\m wai pơgang ayuh hyiăng; tuh pơ alin pơđ^ kyar bruă ngă hmua hrưn đ^ tơlơi hơdip.

Hăng bruă yôm phun hloh anun le\ pơsur mơnuih [on sang gum pơgôp, ngă klă hăng hrưn đ^ hơnong pơkă amăng man pơdong plơi pla phrâo kiăng [ô| mơta plơi pla “[u pơdơi pơplih phrâo” hăng jai hrơi pơđ^ kyar.

Yua kơ ngă klă bruă pơtô pơblang, pơsur mơnuih [on sang, Gia Lâm le\ să ngă klă tui jơlan hơdră “Kơnuk kơna hăng mơnuih [on sang gum hro\m”, pơsur lu mơnuih amăng să ngă tui hơdôm hơnong pơkă hle amăng bruă man pơdong plơi pla phrâo.

Tui hăng ju\ yap amăng să, thun 2019, să Gia Lâm hơmâo man pơkra hăng mă yua 6 ară jơlan amăng plơi pla glông rơbêh 2.400 met hăng nua prăk tuh pơ alin rơbêh 2 klai 400 klăk prăk.

Ră anai, să Gia Lâm glăk to\ tui man pơkra 5 ară jơlan tuh [êtông glông 1.800 met hăng nua prăk tuh pơ alin rơbêh 1 klai 600 klăk prăk. Amăng anun, mơnuih [on sang pơgôp 50%.

Amăng anun hơmâo sang ano\ amai Nguyễn Thị Yên, [ơi [ut plơi Quang Trung 4, hơmâo pơgôp rơbêh 300 klăk prăk, pơyơr hơdôm rơbâo met karê lo\n kiăng kơ man pơkra 7 ară jơlan amăng să. Amai Nguyễn Thị Yên bơră ruai tom:

Hlâo adih hmư\ arăng lăi pơthâo kơ bruă man pơdong plơi pla phrâo, sang ano\ gơmơi ăt aka [u thâo hluh tong ten lơi. Lơ\m hơmâo arăng pơtô pơblang rơđah kâo kah mơng thâo tơlơi yôm mơng jơlan hơdră anai hăng sang ano\ gơmơi kah mơng gum pơgôp.

Biă mă `u, hăng hơdôm tơlơi dưi ngă amăng man pơdong plơi pla phrâo, mơnuih [on sang hok mơ-ak biă mă, đăo gơnang hăng amra to\ tui gum pơgôp amăng bruă man pơdong hăng pơđ^ kyar plơi pla.

Sa tơlơi yôm pơko\n dong amăng bruă man pơdong plơi pla phrâo tui hơnong pơkă hle [ơi să Gia Lâm anun le\ jơlan glông hơmâo apui kơđen, pla phun kyâo dua gah, agaih rơnăk yua kơ mơnuih [on sang [ut plơi 2 gum pơgôp man pơkra.

Anom bruă pơtô ba mơnuih [on sang să Gia Lâm hơmâo gum hro\m hăng hơdôm anom bruă pơko\n, Jơnum min djop djuai ania [ut plơi 2 pơtô pơblang, pơsur mơnuih [on sang man pơkra ară jơlan phrâo amăng să glông rơbêh 600 met. Ară jơlan anai mơnuiih [on sang pơc\ruh mă prăk kak kiăng kơ dưm truă apui kơđen, pla bơnga, phun kyâo dua bơnah jơlan.

Mơng sa boh să tơlơi hơdip tơnap tap hăng ăt [u gêh gal lơi lơ\m pơphun man pơdong plơi pla phrâ samơ\ Gia Lâm le\ sa amăng dua boh să ngă tui hơnong pơkă plơi pla phrâo [ơi tơring glông Lâm Hà hăng ră anai le\ sa amăng hơdôm să ba jơlan hlâo amăng bruă man pơdong plơi pla phrâo tui hơnong pơkă hle amăng tơring glông.

Ră anai, mrô sang ano\ amăng să Gia Lâm hơmâo apui lơtrik yua hơđong truh pơ 100%. Truh ră anai, amăng să hơmâo 3/3 boh sang hră arăng ju\ yap tui hơnong pơkă sang hră gưl dêh c\ar.

Prăk pơhrui tui ako\ mơnuih [ơi Gia Lâm ră anai giăm 49 klăk prăk/c\ô/thun. Truh rơnuc\ thun 2019, să Gia Lâm hơmâo ngă pơgiong tui hơnong pơkă hle amăng bruă man pơdong plơi pla phrâo. Ơi Đào Văn Hinh, Kơ-iăng khua git gai Ping gah, Khua jơnum min mơnuih [on sang să Gia Lâm brơi thâo:

Pơ anăp anai, [ing gơmơi amra to\ tui pơtrut bruă pơtô pơblang, pơsur kiăng mơnuih [on sang [u pơdơi gum tơngan hro\m, djru pran prăk man pơdong plơi pla jai hrơi pơđ^ kyar.

Siu Đoan: Pơblang hăng pôr