VOV4.Jarai - Tui hăng tơlơi pơhing mơng Ding jum ia jrao, tal klin ngă anai (mơng lơ 27/4/2021 truh ră anai), mrô mơnuih ƀă kơman klin phrâo amăng lŏn ia ta 271.037 čô mơnuih, amăng anun hmâo 99.730 čô mơnuih pơjrao suaih. Amăng hrơi tom brơi (15/8), hmâo 5.519 čô mơnuih dong dưi pơjrao suaih, đĭ tui mrô mơnuih suaih ruă: 102.504 čô mơnuih. Hmâo 5 bôh tơring čar rơgao laih 14 hrơi ƀu hmâo čih pioh mơnuih ƀă kơman klin amăng dêh čar ta: Quảng Ninh, Bắc Kạn, Tuyên Quang, Lai Châu, Hoà Bình. Hmâo 7 bôh tơring čar, ƀôn prong ƀu hmâo mơnuih lar tưp hyu amăng tơring čar amăng 14 hrơi rơgao: Lào Cai, Kontum, Hà Giang, Yên Bái, Thái Bình, Bắc Giang, Hải Phòng. Truh ră anai, đơ đam dêh čar ta hmâo tlâ̆o brơi laih vaccine pơgang Covid-19 rơbêh kơ 14 klăk 400 rơbâo liều./.

Siu H’ Prăk: Pô pơblang