VOV4.Jarai - Mơng lơ 27/6 truh ră anai, ƀơi sang ia jrao pơjrao mơnuih ƀă klin mrô 1 ƀôn prong Hồ Chí Minh hơmâo rơbêh 1.700 čô mơnuih ƀă klin Covid-19 tơdơi kơ pơjrao suaih arăng brơi glăi pơ sang. Anai lĕ ƀing mơnuih pơčrang lăng huăi ƀă klin ƀudah drơi jăn ăt dŏ hơmâo klin samơ̆ virus dŏ aset yơh, huăi ngă lar hyu pô pơkŏn.

Ngă hră pơ-ar hlâo kơ glăi pơ sang

Sang ia jrao pơjrao mơnuih ƀă klin mrô 1 prong 4.500 boh sưng pơdong ƀơi anih dŏ hơdip kơ ƀing čơđai sang hră Sang hră pơtô bruă ling tơhan hăng pơgang rơnuk rơnua dêh čar Sang hră gưl prong Hồ Chí Minh, mă yua mơng lơ 26/6.Ƀơi anai glăk pơjrao brơi 4.423 čô mơnuih F0. Sang ia jrao arăng jao pơjrao brơi abih bang mơnuih ƀă klin phrâo anai hăng ƀing glăk pơčlah pơƀut lĕ (F1 prap hơdai nao F0). Mơng lơ 13/7, Gơnong bruă ia jrao ƀôn prong Hồ Chí Minh pok pơhai bruă pơjrao tañ ƀiă brơi ƀing F0 huăi mưn hơget amăng brơi jăn. Tui anun, F0 pơčrang lăng hăng RT-PCR hrơi tal 10 huăi iă klin ƀudah ƀă klin samơ̆ mrô virus aset amra ba nao pơčlah mă pô pơ sang tơdah pơhlôm rơnuk rơnua ahăng pơgang klin kheng.

Siu Đoan: Pơblang