VOV4.Jarai - Yua amuaih djă pioh hăng pơtrut đ^ gru grua boh thâo mơng djuai ania Bahnar, ayong Đinh A Ngưi do\ [ơi plơi Kgiang, să Kông Lơng Khơng, tơring glông Kbang (Gia Lai) khin tuh pơ alin pơkra homestay tui gru sang đưm djuai ania Bahnar pioh ngă anih tuai đih pơdơi amăng hrơi nao ngui pơ tơring glông Kbang.

Nao c\uă plơi Kgiang (să Kông Lơng Khơng, tơring glông Kbang, Gialai), [ing gơmơi do\ tơktuă biă mă yua ano\ hơmâo mơng ayong Đinh A Ngưi – mơnuih djuai ania Bahnar. ~u yơh pô blung a man pơdong anih đih pơdơi kơ [ing tuai nao c\uă ngui [ơi hơdôm boh tơring glông kual Ngo\ Dơnung.

A Ngưi man pơdong hơbô| bruă homestay blung a [ơi să rin [un.

{lang ket mut nao amăng sang hơmâo ayong A Ngưi pơkra mă amu` đôc\, hơmâo gru grua đưm mơng djuai ania Bahnar. Hro\m hăng anun le\ gơnam [ong huă ayong A Ngưi pơkra lêng kơ a`ăm juăt [ong mơng djuai ania Bahnar, juăt djă nao [ong pơ glai, pơ hmua.

Ayong A Ngưi brơi thâo, tơlơi pơmin pok homestay hơmâo mơng hơdôm wơ\t `u ba [ing tuai hyu ngui nao c\uă lăng tơring glông Kbang. {uh [ing tuai amuaih nao c\uă lăng biă [ơi kual C|ư\ Siăng, yua anun ayong A Ngưi pơmin kho\m ngă hơget mơtăm c\i bong glăi tuai do\ ngui, laih dong pơ[uh gru grua hiam mơng djuai ania Bahnar. Pơmin le\ ngă mơtăm, blan 2/2019, `u pok homestay hăng c\ih pơkra anih dưi hyu c\uă ngui [ơi tơring glông Kbang.

Homestay ayong A Ngưi hơmâo mna pơdong prong sa ektar. Blung a le\ man pơkra 4 boh anih đih hăng sa boh sang jơnum ngui. {ơi sang jơnum ngui, A Ngưi pơhrup hăng gơnam juăt yua mơng đưm hlâo mơng djuai ania Bahnar samơ\ ăt hơmâo ano\ pơplih phrâo mơn.

Ayong A Ngưi hơmâo laih ring c\ing, c\ing T’rưng, lu eng ao, gơnam hơmâo pơkra mơng bơnal mơ`am mă, hiam biă mă, yua tơngan am^ `u mơtăm pla kơpaih, wơ\t truai, a`ru\ mrai hăng mơ`am…Tơlơi anai jing brơi tuai c\uă ngui lăng [uh [ơi mơta laih anun thâo hluh hloh kơ gru grua boh thâo kual C|ư\ Siăng.

A Ngưi pioh mông hyu e\p gơnam tam, c\ing hơgor, eng ao mơ`am tui gru đưm pơ[uh kơ tuai hyu ngui.

Kiăng dưi ngă hơdôm tơlơi anai, A Ngưi [u pơdơi hrăm tui [ing bơwih [ong gah tuai hyu c\uă ngui. Biă mă `u le\ kho\m e\p hơdră pơđ^ tui gru grua đưm mơng djuai ania Bahnar, [rô ngă pơhưc\ tuai, [rô hơmâo prăk dong. Biă mă `u le\, [u dưi ngă hơbô| bruă homestay “jing anih bơwih [ong s^ mdrô ôh, hla tui samơ\ [u dưi ngă rơngiă gru ôh”.

Blung a ngă anih đih pơdơi amăng plơi pla homestay, ayong A Ngưi ăt bưp lu tơlơi tơnap mơn lơ\m sang ano\ `u [u brơi ôh. Ayong A Ngưi ră ruai: “sang ano\ kâo [u thâo hơget arăng iâu homestay, hmư\ kâo c\rông mă yua prăk kăk pơkra le\ [u hơmâo pô hlơi brơi ngă ôh. Samơ\ yua amuaih ngă, amuaih djă pioh gru grua djuai ania [iă [ơi anai, kiăng arăng [uh, arăng thâo, yua hnun yơh pơtrut pran jua kâo kho\m ngă. Yap truh thun 2019, mrô tuai c\uă ngui do\ glăi pơ anih đih pơdơi homestay truh 2.000 c\ô tuai amăng dêh ]ar ta hăng dêh ]ar tac\ rơngiao”.

~u le\ mơnuih ngă bruă mơng Anom bruă wai lăng gru grua – pơkơjăp drơi jăng hăng tuai c\uă ngui tơring glông Kbang, ayong A Ngưi thâo hluh biă kơ gru grua, tơlơi phiăn hiam mơng đưm hlâo ăt kah hăng tơlơi hơmâo mơng djuai ania Bahnar.

Hlâo adih pơphun man pơdong anih đih pơdơi homestay, ayong A Ngưi jak iâu grup atông c\ing, ayun suang anet prong amăng plơi, [ing thâo tơnă asơi hơbai a`ăm, mơ`am mrai, [ing kơhnâo adoh hri…brơi kơ [ing tuai hyu ngui nao lăng hăng đih pơdơi glăi. ~u juăt nao juh alum pran jua ană plơi rông un, mơnu\, tơkong rơyă tơpai, lơ\m [ing tuai kiăng le\ ba nao.

Lu thun rơgao, A Ngưi hro\m hăng gong gai [on lan pơhrăm atông c\ing, djă pioh boh thâo atông c\ing [ơi să Kông Lơng Khơng.

Truh ră anai, rim wơ\t hơmâo tuai nao ngui, khă [u lăi pơhmư\ hlâo ôh, samơ\ `u ăt prăp brơi tui hăng tơlơi tuai kiăng mơn. Mơnu\, un, tơpai hơmâo soh amăng plơi pla, [u kơ[ah ôh.

Plơi Kgiang ră anai hơmâo 140 boh sang ano\, 100% le\ mơnuih djuai ania Bahnar. Yua hơmâo tơlơi jak iâu mơng A Ngưi, gơ`u lêng gum tơngan bơ wih [ong gah bruă tuai hyu ngui. Mơng hrơi hơmâo homestay mơng ayong A Ngưi, tơlơi hơdip gru grua boh thâo mơng mơnuih [on sang djuai ania [iă [ơi anai jai hrơi pơplih tui.

Lơ\m hơmâo tuai nao c\uă ngui, gơ`u pơ[uh tơlơi rơgơi, tơlơi thâo adoh suang, atông c\ing ring hơgor. Mơng bruă atông c\ing ayun suang, gơ`u jing hơmâo prăk ba glăi kơ sang ano\. {u kơnong tui anun đôc\ ôh mơ\, ayong A Ngưi gơnang kơ [ing tha amăng plơi pơtô [ing c\ơđai atông c\ing. A Ngưi c\ang rơmang, sit ta mơnuih djuai ania Bahnar le\ ta kho\m thâo atông c\ing.

Tha plơi Đinh B’lich ră ruai: “Mơng hrơi hơmâo A Ngưi ngă bruă tuai hyu ngui, gru grua boh thâo mơng djuai ania Bahnar kual anai jai hrơi hơmâo lu mơnuih thâo. Yua hơmâo A Ngưi mơn ană plơi mơng hơmâo prăk, plai [iă tơnap tap, laih dong hơmâo pơ [uh gru grua boh thâo djuai ania ta pô”.

Kơ hơdôm jơlan hơdră anăp nao, ayong A Ngưi brơi thâo: “Thun 2020 kâo amra man pơkra 4 boh anih đih dưm dưm hăng anih đih pơdơi prong 2 asar pơtu\. Prăk pioh pơkra năng ai `u 1 klai prăk, c\i bơwih brơi kơ tuai. Kâo ăt kiăng hơmâo lu mơnuih gum bơwih [ong hro\m, biă mă `u le\ [ing hlăk ai amuaih gah bruă hyu c\uă ngui pơđ^ tui tơlơi pơmin hyu ngui c\uă lăng plơi pla, ba boh thâo gru grua djuai ania ta pơ [uh kơ abih bang mơnuih mơng djop dêh ]ar”.

Siu H’Mai: Pơblang hăng pôr