VOV4.Jarai-Djă gru tơhan rơnuk wa Hồ, rơkơi bơnai ung mo# met Hoàng Nhật Tân, sa ]ô tơhan hơđăp do\ pơ thôn 7, să Ea Ktur, tơring glông }ư\ Kuin, tơring ]ar Daklak pơtum mă bruă bơwih [ong huă hăng hơbo# mă bruă pla kơphê, wo\t pla tiu, jing gru mơnuih gir run găn rơgao tơlơi tơnap tap, bơwih [ong huă đ^ đăi go\ amo\ laih anun mă bruă rơgơi ba gru hlâo [ơi plơi pla.

Met Hoàng Nhật Tân tơkeng thun 1955, jing ding kơna khul tơhan hơđăp pơ thôn 7, să Ea Ktur, tơring glông }ư\ Kuin, tơring ]ar Daklak. Thun 1973, `u nao ngă tơhan, arăng jao glăi mă bruă pơ anih wai lăng gah bruă ia săng ia jâo Đoàn 559, Trung đoàn 671 rơnuk blah ayăt Mi. Blan 6 thun 1981, dua rơkơi bơnai `u tơbiă tơhan glăi pơ Hưng Hà, tơring ]ar Thái Bình. Sang ano\ ngă hmua pơdai đô] anun r^m thun tơlơi hơdip mơda, [ong huă [u thâo djop ôh, khă mă bruă greh gru` laih, rơkơi bơnai `u pơsit pran jua nao do\ pơ plơi phrâo bơwih [ong huă. Anih nao do\ blung a pơ tơring glông Dak Mil, tơring ]ar Daknông, tơdơi kơ anun blan 4 thun 1985, glăi do\ pơ thôn 7, să Ea Ktur, tơring glông }ư\ Kuin, tơring ]ar Daklak.

Blung a, dua rơkơi bơnai gơ`u hơmâo 2 blah hmua giăm 2 ektar kơphê. Yua [u djop ia bruih anun kơphê gơ`u [u mơboh ôh, djai h^ [ơ [rư\. Hăng pran jua sa ]ô ling tơhan, [u tu\ a` kơ tơlơi ư\ rơpa ôh, `u nao e\p lăng hrăm tui hơbo# mă bruă pla kơphê hăng pla plah amăng đang tiu. ~u hlong pơblih pla kơphê hăng pla tiu amăng ha blah đang, truh ră anai 2 ektar đang kơphê gơ`u tha laih mơng hlâo adih, ră anai jing đang tiu h`ơ h`or mơtah mơda hiam biă mă. ~u yơh jing mơnuih blung a ngă tui hơbo# ngă hmua pla pơjing sa blah đang pla dua mơta pơjeh mơnong pla, anun le\ kơphê hăng tiu. Ră anai, rơngiao kơ đang kơphê hăng tiu, sang ano\ `u do\ hơmâo dong 5 ektar đang kơsu. Thun 2015 laih rơgao, sang ano\ pe\ 5 tơn kơphê, 1 tơn 800 kg tiu. Prak pơhrui glăi abih bang truh kơ 400 klak prak. Met Hoàng Nhật Tân lăi:

Dong mơng tơngan mơsah mơbah thu, pơtong rơđah sa ]ô tơhan glăi pơ sang khom gir run yơh mă bruă hmua pla pơjing, ngă bruă hăng pran jua ta pô. Rơkai bơnai gơmơi gir run mă bruă rah pơkrem kơdeng  [rư\ [rư\, blơi lo\n ngă hmua, pok prong đơ đam đang hmua. Giong anun s^ mơdrô dong đơ đa, bơnai s^ mơdrô, rơkơi ngă hmua. Ră anai, 1 ektar 6 sao hmua kơphê hăng 5 ektar đang kơsu.

Amăng plơi pla ala [ôn, sang ano\ gơ`u mă bruă ba jơlan hlâo, ngă tui djop tơlơi pơtrun mơng kơnuk kơna, gum hrom djop bruă mă mơng khoa plơi pơtrun. Rơngiao kơ anun, do\ ngă gêh gal kơ bruă djru ba sang ano\ pơko\n amăng plơi pơđ^ kyar tơlơi bơwih [ong huă laih anun pơtô brơi tơlơi thâo thăi tom găn rơgao amăng bruă răk rem phun kơphê [udah djru kơ sang ano\ hlơi kơ[ah prak brơi ]an huăi mă kơmlai. Ơi Nguyễn Đình Viện, Khoa gru\p tơhan hơđăp thôn 7, să Ea Ktur, tơring glông }ư\ Kuin brơi thâo:

Laih găn rơgao h^ tơlơi tơnap tap rơnuk lo\n ia ta aka [u pok bruă rô nao rai s^ mơdrô prong, sang ano\ met Tân gir run ngă hmua pla pơjing pioh pơđ^ kyar sang ano\. Thun blan pơđ^ kyar gơ`u s^ mơdrô kơphê, hlak thun kơphê hơmâo rơnoh laih anun pơsir bruă mă kơ lu mơnuih kah hăng apah pơdu\ pơgiăng, djru ba lu sang ano\ tơnap tap. Hur har ngă hrom bruă mă mơnuih mơnam, ba jơlan hlâo bruă kơnuk kơna pơtrun amăng plơi pla, jing sa ]ô mơnuih tơhan hơđăp `u ba jơlan hlâo soh djop bruă, pơ]ruh prak kak amăng plơi, duh jia, anun yơh [uh sang ano\ gơ`u ba gru hlâo na nao, lăp jing sa ]ô tơhan rơnuk Wa Hồ. Hăng pran jua pơkơtưn mă bruă khăp kơ lo\n ia, khăp kơ lo\n khom pơkơtưn mă bruă pioh ngă gru kơ adơi ayong [ing gop pơko\n hrăm hăng hla tui.

Ơi Phan Viết Long Khoa khul tơhan hơđăp să Ea Ktur, tơring glông }ư\ Kuin brơi thâo Jơlan hơdră pơtrun kơ tơhan hơđăp le\ djru nao rai [ing gop tơhan hơđăp kiăng pơđ^ kyar soh amăng tơlơi bơwih [ong huă, djru ba sang ano\ do\ [un rin. Thun 2015, hơmâo 458 ]ô ding kơna tơhan hơđăp [un rin. Ră anai, djop sang ano\ huăi ư\ rơpa dong tah, mrô sang ano\ đ^ đăi go\ amo\ truh kơ 35%. R^m thun, Khul tơhan hơđăp jak iâu mă bruă pơ]ruh prak ngă keh prak gum hrom, djru ba [ing gop tơhan hơđăp ]an huăi mă kơmlai ôh. Rơngiao kơ anun, do\ hơmâo “Hơdră pơkrem prak hla tui gru Wa Hồ” man pơdong sang khăp pap hơdor tơngia kơ mơnuih [un rin. Ơi Phan Viết Long, Khoa khul tơhan hơđăp să Ea Ktur lăi:

Ngă tui Hră pơtrun mơng Khul tơhan hơđăp dêh ]ar ta pơkă, tơring ]ar pơtrun laih anun tơring glông pơpha ăt hnun mơn, amăng anun le\ khom djru kơ sang ano\ [ing tơhan hơđăp djop [ong huă, đ^ đăi go\ amo\, anun yơh să hăng tơring glông kơtưn pơtrut pơsur abih bang ding kơna amăng khul tơhan hơđăp, djru hrom, brơi nao lăng hơbo# bơwih [ong huă djơ\, tui boh thâo ia rơgơi phrâo, kah hăng nao lăng hơdră bơwih [ong huă mơng sang ano\ met Tân, rơngiao kơ ngă tui hơdră pla lu mơta pơjeh mơnong pla amăng sa blah đang hmua pla kơphê hăng tiu, lom anun sang ano\ pơko\n aka [u ngă tui ôh, sang ano\ met Tân ngă tui laih hơbo# anun.

Hrưn đ^ hăng tơlơi pơmin pran jua pô ako\ pơdong sang ano\ trơi pơđao yâo mơak, hyuk hyiak hloh, met Hoàng Nhật Tân lăp biă hăng tơlơi iâu pơ anăn tơhan rơnuk Wa Hồ.

                      Nay Jek : Pô ]ih hăng Pôr