VOV4.Jarai- Hot dju\p ngă sat biă mă kơ tơlơi suaih pral, [ing ơi ia jrao le\ pô hluh rơđah bruă anun hloh kơ arăng, yua kơ anun man pơdong anih anom sang ia jrao [u hơmâo asăp ho\t glăk hơmâo anom bruă ia jrao Daklak pơtrut kơtang ngă tui, kiăng plai [iă tơlơi [u klă  mơng ho\t dju\p ngă kơ mơnuih duăm ruă.

Pơsit tơlơi hơmâo [ơi Sang ia jrao prong C|ư\ M’gar, sa amăng hơdôm anom bruă hơmâo anom bruă ia jrao Daklak pơsit yôm biă mă kơ bruă ngă tui bruă anai.

Nao pơ Sang ia jrao prong C|ư\ M’gar, rup mơng blung mơ\ arăng gleng nao le\ hră arăng te\p ‘’Ko\m dju\p ho\t’’ pơdong [ơi anăp amăng mut pơ sang ia jrao.

Hơdôm pok hră anai hơmâo te\p [ơi anih khăm tơlơi ruă, jơlan rơbat nao rai [udah [ơi bah amăng mut nao rai anih pơjrao tơlơi ruă.

Hro\m hăng bruă c\ơkă, pơtô brơi [ing duăm ruă rai khăm, pơjrao tơlơi ruă, [ing mă bruă ia jrao pơtă pơtăn kơ mơnuih duăm ruă hăng sang ano\ [ing gơ`u anăm dju\p ho\t ôh amăng sang ia jrao.

Laih anun [ing ơi ia jrao le\ pô ngă kơnuih hiam ba jơlan hlâo amăng bruă anai.

Ơi ia jrao Lê Trần Thanh Hùng ră anai glăk do\ mă bruă [ơi Anih pơjrao dui [ư\ arăt, `u dju\p ho\t giăm 5 thun laih, samơ\ mơng hrơi kiăo tui hrăm ia jrao, laih anun hrơi `u rai mă bruă pơ sang ia jrao anai, `u thâo hluh tơlơi [u klă mơng ho\t ngă kơ tơlơi tơlơi suaih pral pô gơ`u hăng mơnuih ieo gah, yua anun `u lui h^ ho\t, laih anun iâu pơthưr mơnuih ieo gah khut khăt anăm dju\p hot ôh.

Ơi ia jrao Lê Trần Thanh Hùng ră ruai:

‘’Kâo dju\p ho\t ai `u mơng 3 truh kơ 5 thun. Samơ\ mơng hrơi kâo hrăm ia jrao, thâo rơđah tơlơi [u klă mơng hot hăng tơlơi suaih pral, laih dong ho\t dju\p ngă gun găn lu biă mă amăng tơlơi hơdip mơda, laih anun ngă mơnuih ieo gah bơngot biă.

Dong mơng anun, kâo gir lui ho\t. Amăng bruă lui ho\t, kâo pơmin pran jua gir mơng pô ta le\ yôm hloh’’.

Bơ ơi ia jrao Chuyên khoa I Y Bin Niê – Kơ-iăng khoa anom bruă pơjrao Nội – Nhiễm, ăt dju\p ho\t mơ\n amăng lu thun, bruă `u lui hot tơnap biă mă.

Khă hnun hai, mơng hrơi sang ia jrao hơmâo bruă man pơdong sang ia jrao [u hơmâo asăp ho\t, laih anun hơmâo arăng jao ngă pô pơphun pok pơhai bruă anai, ơi ia jrao Y Bin khut khăt lui ho\t mơtăm.

Blung a, bruă anai bưp [u [iă ôh mơnuih mă bruă amăng sang ia jrao dju\p ho\t sui thun hơngah h^, samơ\ ơi ia jrao Y Bin gir ktir ba bruă anai jing tơlơi pơhiăp phun amăng hrơi jơnum ri\m blan, ri\m quí kơ [ing mă bruă, mơnuih apăn bruă ping gah kơ bruă ‘’Hrăm hăng hla tui gru kơnuih Hồ Chí Minh’’.

Tơdơi kơ sa thun gir run, hơmâo gơyut gơyâo, sang ano\ pơtrut pơsur, laih anun pran jua gir mă mơng pô gơ`u, ơi ia jrao Y Bin Niế lui laih dju\p ho\t. Ơi ia jrao Y Bin ră ruai tui hăng anai:

‘’Lơ\m nao hrăm [ơi hơdôm boh sang ia jrao tơring ]ar, [uh [ing ruă bru\ kơsô|, kơdol kơsô| [u thâo abih dong tah, yua anun kâo khut khăt lui ho\t mơtăm.

Blung a, kâo mơmah ke\o kơsu, gơyut gơyâo kâo jăk nao mơ`um kơphê kâo [u nao dong tah, nao mơ`um tơpai ăt hui rưih mơ\n. Ai `u 10 hrơi tui anun, kâo lăng [u mơhao ho\t dong tah’’.

{u kơnong [ing ơi ia jrao ôh ko\m khut khăt hăng hot mơ\ abih bang mơnuih duăm ruă hăng sang ano\ pô ruă lơ\m rai khăm, pơjrao, nao c\uă [ơi sang ia jrao ăt ngă tui djơ\ tơlơi k^ pơkôl ko\m [u brơi dju\p ho\t,

ha bơnah le\ yua kơ [ing duăm ruă, yua tơlơi suaih pral kơ pô ta, ha bơnah dong le\ yua hơmâo mơnuih mă bruă mơng sang ia jrao pơtô pơblang, pơtă pơtăn.

Hơdôm pok hră ‘’Kom dju\p ho\t’’ te\p [ơidjo\p anih, laih anun yôm biă mă le\ [u hơmâo pô mă bruă hơpă ôh dju\p ho\t, yua anun pô duăm ruă [ơi anai jai ngă tui khut khăt hloh.

Ơi Mai Văn Vượng, do\ [ơi thôn 6, să Quảng Hiệp, tơring glông C|ư\ M’gar, glăk do\ pơjrao [ơi sang ia jrao prong C|ư\ M’gar brơi thâo:

‘’Pô sang rai c\uă pô duăm ruă mơ\ c\i djp ho\t le\ kho\m tơbiă gah rơngiao, [u dưi do\ dju\p amăng anih pơjrao anai ôh.

{ơi `u ăt mơhao mơ\n, samơ\ [u hơmâo pô hlơi khin dju\p ôh, yua dah arăng pơkôl tui anun yưh, mơhao ăt kho\m a` yơh’’.

Khul khoa moa sang ia jrao C|ư\ M’gar brơi thâo, dong mơng thun 2013 truh kơ ră anai, sang ia jrao lêng ba bruă pơgang glăi tơlơi truh sat mơng ho\t dju\p amăng bruă mă ri\m thun mơng anom bruă.

Hơdôm bruă hyu iâu pơthưr tu\ yua kho\m yap nao bruă tơdăm dra mut phung pel e\p tơlơi [u klă mơng ho\t dju\p hăng tơlơi suaih pral kơ ană mơnuih ta; pơtô pơblang tơlơi [u klă mơng ho\t dju\p;

Tơlơi phiăn pơgnag glăi tơlơi ju\ sat mơng ho\t dju\p amăng hrơi jơnum pơbưp nao rai [ing duăm ruă;

pơphun k^ pơkôl kơ abih bang mơnuh mă bruă mơng sang ia jrao hăng Khul khoa moa sang ia jrao kơ bruă [u dju\p ho\t dong tah [ơi anih mă bruă…

Thạc sĩ, ơi ia jrao Châu Đương – Khoa sang ia jrao prong C|ư\ M’gar brơi thâo:

‘’Dong mơng hrơi hơmâo tơlơi phiăn pơgang glăi tơlơi truh sat mơng ho\t dju\p c\ih pơkra mơng thun 2012 truh kơ 2013, Khoa dêh ]ar ta pơsit ako\ pơjing Keh prăk pơgang tơlơi ju\ sat mơng ho\t dju\p, kâo le\ pô khoa wai lăng sang ia jrao, hơmâo nao hrăm kơ bruă anai.

Kâo lăng ho\t dju\p ngă bơbec\ kơtang biă mă kơ tơlơi suaih pral kơ mơnuih [on sang lăi hro\m, laih anun [ing duăm ruă lăi hơjăn, yua anun tơdơi kơ hrơi glăi mơng hrăm, kâo lăi pơthâo brơi khoa moa ping gah c\i ngă kơc\ăo bruă pơgang glăi tơlơi [u klă mơng ho\t dju\p [ơi sang ia jrao’’.

Yua mă yua lu hơdră djơ\ lăp, yua anun dong mơng hrơi pok pơhai truh kơ ră anai, 100% mơnuih mă bruă amăng sang ia jrao lêng kơ ngă djơ\ hăng boh pơhiăp ‘’Sang ia jrao [u hơmâo asăp ho\t’’ tui hăng hră k^ pơkôl ri\m thun mơ\ ri\m c\ô, ri\m khul grup k^ pơkôl hăng khul khoa moa Sang ia jrao.

Rơgao 5 thun, dong mơng thun 2013 truh kơ ră anai, pô sang mơnuih duăm ruă mơng sang ia jrao prong tơring glông C|ư\ M’gar lêng kơ hơmâo anom bruă ia jrao tơring ]ar Daklak pơsit yôm.

Sang ia jrao prong tơring glông C|ư\ M’gar jing sa amăng hơdôm anom bruă hmư\ hing, ba jơlan hlâo kơ bruă ‘’Sang ia jrao [u hơmâo asăp ho\t’’ hơmâo gong gai kơnuk kơna pơpu\ bơni.

Bruă anai djru man pơdong anih anom sang ia jrao hơdjă agaih, ngă tơlơi đăo gơnang hăng khăp amuaih mơng mơnuih [on sang lơ\m rai khăm hăng pơjrao tơlơi ruă.

                                                Siu H’Mai: Pô c\ih hăng pôr