VOV4.Jarai - Să Hoà Đông, tơring glông Krông Pa], tơring ]ar Daklak le\ să dưi tu\ yap djơ\ hăng plơi pla phrâo mơng tơring ]ar Daklak thun 2015.

Amăng 19 tơhnal pơkă plơi pla phrâo, tơhnal pơkă sang ia jrao să djơ\ tơhnal pơkă dưi hmâo laih gưl Ping gah, gong gai hăng gơnong bruă ia jrao tơring ]ar gleng nao.

Hăng pran pơsit hăng gir run prong, Hoà Đông ta` ngă giong hơdôm tơhnal pơkă djơ\ mơng lon ia ta gah bruă ia jrao, djru yôm phăn amăng bruă pel e\p, pơjrao tơlơi ruă  blung a kơ m[s.

            Tơdơi kơ dưi tuh pơ plai pơdo\ng sang ia jrao ta#o klă hăng lu anih pel e\p tơlơi duam ruă djơ\ hăng tơhnal pơkă, [ing ơi nai ia jrao hăng mơnuih mă bruă amăng sang ia jrao să Hoà Đông, tơring glông Krông Pa], tơring ]ar Daklak [u pơdơi hrưn đ^ pioh pơđ^ tui bôh thâo bruă mă, djơ\ hăng tơlơi kiăng pel e\p, pơjrao tơlơi ruă blung a kơ m[s.

Y sĩ Nguyễn Thị Lý, do# mă bruă [ơi Sang ia jrao să Hoà Đông brơi thâo, sang ia jrao ngă tui na nao hơdră do# gak hrơi mlăm, prăp lui hăng abih pran jua mă bruă lom hmâo mơnuih ruă nao pel e\p.

Yua anun, neh wa đăo gơnang laih, pioh ruah anih nao lom hmâo tơlơi duam ruă, bơwih brơi bruă ia jrao blung a pơkon hăng hlâo dih mơnuih ruă juăt găn rơgao lui h^:

            “Drơi kâo pô pơmin amra ba tơbiă hơdôm bôh thâo pô hmâo hrăm, dưi pơtô glăi, thâo kơja\p bôh thâo anun, mă yua, kiăng pơkă lăng tơlơi ruă klă, ngă brơi kơ mơnuih ruă đăo gơnang ta hloh le\ amra hơduah e\p pô lu hloh.”

            Dưi hmâo [ing ơi ia jrao, nai ia jrao bơwih brơi, djru abih pran jua hrim tal nao pel e\p, pơjrao tơlơi duam ruă, wa Võ Thị Kim Oanh, pơ\ thôn 15, să Hoà Đông djơ\ pran jua biă kơ ano# klă bruă bơwih brơi [ơi Sang ia jrao să.

Khă hnun hai, tui tơlơi ]ang rơmang mơng wa Oanh ăt kah hăng lu neh wa m[s [ơi să, kiăng tuh pơ plai lu hloh dong kơ gơnam tam mă yua gah bruă ia jrao, ia jrao gun:

            “Anih anom mă bruă ăt hmâo ano# klă hloh mơn bơhmu hăng hlâo dih, pran jua bơwih brơi ăt klă mơn, khă hnun hai ia jrao gun ăt akă djop mơn.

Drơi pô kâo kiăng Ping gah hăng kơnuk kơna tuh pơ plai sang ia jrao mơng să klă hloh, gơnam tam mă yua ia jrao gun djo\p hloh, pioh m[s  nao rai geh gal, plai [ia\ rơngiă mông, prak, pran.”

            Hrom hăng kơtưn bruă bơwih brơi, pel e\p pơjrao tơlơi ruă blung a kơ m[s [ơi Sang ia jrao, să Hoà Đông gleng nao yôm bruă mă mơng abih bang mơnuih mă bruă ia jrao [ơi gưl plơi pla, kơtưn bruă pôr pơhing pơgang, pơgăn hơdôm klin ruă hăng tơlơi ruă măt yua mơnong [ong huă [u klă.

Ơi ia jrao Y Nam K[uôr, Khoa Sang ia jrao să Hoà Đông brơi thâo:

             “{ing mă bruă ia jrao [ơi plơi pla, hrim plơi hmâo sa ơi ia jrao hmâo hră pơsit mă bruă, [ing ơi ia jrao anai bơwih brơi yôm phăn kơ bruă sang ia jrao, bơhmu tu kah hăng bruă lăng tui mơnuih duam ruă le\ khom gơnang kơ [ing gơ`u anai, hyu hrim sang m[s pioh lăi pơthâo, kiăng m[s agaih rơmet anih anom do#, pơgang, pơgăn  lăng kuăng, bôh ke] anun le\ tơlơi klă biă.”

            Tui hăng ơi Nguyễn Đình Vượng, Khoa git gai Ping gah, Khoa Jơnum min m[s să Hoà Đông, sang ia jrao să dua thun hăng anai dưi tu\ yap djơ\ hăng tơhnal pơkă phrâo mơng thun 2012-2020, khă hnun hai dưi djă pioh tơlơi tu\ yap anai hă jing sa tơlơi lông mơ\ gong gai hăng gơnong bruă ia jrao să amra khom gir run lu hloh dong:

            “Hmâo sang ia jrao laih khom bơwih brơi kơ m[s, bơwih brơi kơ m[s pơdah [ơi pran jua, bruă mă bơwih brơi jing tơlơi blung hlâo, mơnuih apăn bruă hăng mă bruă [ơi sang ia jrao khom pơ pha kiăng kơ do# gak, [u djơ\ pioh m[s rai pơ\ sang ia jrao krư\ bah amăng ôh.

Lom m[s rai le\ bruă mă pô khom mơ-ak, abih pran jua pel e\p pơjrao tơlơi ruă kơ m[s, đing nao truh bruă ia jrao hrom, djru m[s.

Rơđah biă `u [ing gơmơi đing nao pơdo\ng khul ơi nai ia jrao amăng sang ia jrao djơ\ hơdră. Tơlơi mơ-ak hloh [u djơ\ [ing ta dưi pơdo\ng sang ia jrao, [u dah pơdo\ng djơ\ đu] ôh mơ\.

Tơlơi mơ-ak hloh le\ [ing ta pơdo\ng rah sang ia jrao djơ\ tơhnal pơkă, mơnuih apăn bruă hăng mă bruă, mơnuih djru m[s djơ\ dong, m[s [u hmâo tơlơi lăi hne dih dong…”

                                                                        Siu H’ Prăk: Pô ]ih hăng pôr

Daklak gir run ngă tui hdră man pơdơng sang ia jrao să [ơi plơi pla, djơ\ tui ha\ng tơlơi pơkă.

Ngă tui tơlơi jao pơkă mơng lon ia, gah bruă ia jrao să mơng thun 2011-2020, hro\m hăng tơlơi man pơdơng plơi pla phrâo, djo\p gơnong ping gah, gong gai plơi pla kơnuk kơna ta, djo\p sang bruă tơring ]ar Daklak, hơmâo gir run bia\ mă ngă tui ha\ng ba glăi tơlơi pơblih phrâo rơđah rơđong.

Truh ră anai tar [ar tơring ]ar hơmâo 96 boh să, phường, tơring kual, hơmâo nga\ gio\ng laih tơlơi jao pơkă gah bruă ia jrao truh thun 2020, hlăk anai yăp lăng tar [ar dêh ]ar ta, phrâo hơmâo mă 64%.

Pô mă tơlơi pơhing gah ]ra\n hdră anai hơmâo ră ruai hăng ơi ia jrao Doãn Hữu Long, khua g^t gai [irô sang ia jrao tơring ]ar Daklak lăi nao tơlơi anai, rơkâo ơi Pang yă Dôn hăng [ing gơyut hmư\ hro\m [ơi yu\ anai ho\.

Tơ`a: Ơ ơi ia jrao, ngă tui jơlan hdră man pơdơng sang ia jrao să, djơ\ tui hăng tơlơi pơkă mơng lon ia ta, gah man pơdơng sang ia jrao să mơng thun 2012-2020, ngă hro\m hăng tơlơi pơkă man pơdơng plơi pla phrâo, truh ră anai tơring ]ar Daklak ngă gio\ng boh tơhnal hdơ\ pă laih?

Ơi ia jrao Doãn Hữu Long: Ngă tui hơdôm tơlơi pơkă mơng lon ia gah man pơdơng sang ia jrao [ơi să, mơng thun 2012-2020, [irô sang ia jrao tơring ]ar Daklak, djru lăi brơi go\ng gai kơnuk kơna plơi prong, pioh nga\ tui tơlơi g^t gai mơng gong gai plơi prong, tơring glông, să, laih anun dưi lăi truh mông anai, Daklak hơmâo ngă gio\ng 96% să, phường, tơring kual, hơmâo ngă gio\ng laih tơlơi jao pơkă mơng lon ia ta, yăp lăng ama\ng tar ]ar dêh ]ar ta le\ 64%.

Tal 2 le\ tơlơi jao pơka\ tal 15, gah man pơdơng plơi pla phrâo, gah bruă sang ia jrao tơring ]ar Daklak, hơmâo ngă gio\ng 140/152 să, ngă gio\ng rơbeh 92%, hlăk anun tơlơi jao pơkă tar [ar tơring ]ar hơmâo 63%, lăi hro\m gah bruă sang ia jrao, hơmâo ngă tui rơgao h^ tơlơi pơkă, kiăng djo\p brơi tơlơi pơjrao duăm ruă kơ mơnuih [ôn sang.

Khă anun kiăng dja\ pioh hơdôm tơlơi pơkă  anai le\, hasa tơlơi lông lăng prong, yua dah hrim thun đô] sang ia jrao hơmâo djru pơtô brơi, kiăng pơs^t glăi hơdôm să ngă tui giong tơlơi jao pơkă, djă pioh hơ [u, hơdôm tơlơi ngă gio\ng jao pơkă anun, tơdah ama\ng hrơi blan hpă ta ngă gio\ng laih tơlơi jao pơkă, samơ\ [u djă pioh ôh, amra mă pơhrui glăi hră pơar anun yơh.

Tơ`a: Rơgao 5 thun ngă tui, biă mă [ơi hơdôm plơi pla brơi ta [uh, hơmâo tơlơi dleh tơnăp hget, ama\ng bruă ngă tui gio\ng tơlơi pơkă anun?                                                                    

Ơi ia jrao Doãn Hữu Long: Kiăng tui gio\ng hơdôm tơlơi jao pơkă anai, kho\m hơmâo gơnong ping gah, go\ng gai plơi pla, kơtư\ hăng mơnuih [ôn sang mơn, ngă hro\m.

Ama\ng anun hơmâo sang ia jrao yơh phun, ama\ng tơlơi mă bruă, djru brơi ping gah, gơnong plơi pla, ngă hro\m ha\ng tơđar.

Ama\ng tơlơi ngă tui, sang ia jrao, măi mok, ăt kah hăng khul mơnuih mă bruă thâo rơgơi hasa tơlơi tơnăp tap mơn, yua dah tơring ]ar ta hơmâo 47 djuai ania [ia\ phara phara hd^p hro\m, tơlơi pơhiăn juăt ăt phara phara mơn, yua kơ anun yơh bruă hyu pơtô pơblang, kiăng mơnuih [ôn sang thâo hluh, gleng nao pô răk rem wai lăng drơi jăn pô hăng mơnuih mơnam, sang ano\, hasa tơlơi pơgăn prong prin bia\ mă.

Rơngiao kơ tơlơi pơjrao duăm ruă mơnuih [ôn sang [ơi să, phương, tơdah mă bruă [u hiam ôh, [u hro\m hb^t, mrô ara\ng blơi hră gơgro\ng nua ia jrao [u lu ôh, [u nga\ gio\ng tơlơi jao ôh, mơng lon ia ta.

Tơ`a: Gah thâo rơgơi mă bruă, sang ia jrao să, do\ lu tơlơi aka\ mă djơ\ hget, [ơi go\ng gai plơi pla hơmâo jơlan hdră hpă mơn, kiăng pơđ^ tơlơi thâo mă bruă [ơi sang ia jrao să anai?

Ơi ia jrao Doãn Hữu Long: Tơlơi thâo mă bruă kơ hơdôm nai ia jrao [ơi plơi pla anai, tơdah bơhơmutu hăng abih ba\ng sang ia jrao pơ\ kon, aka\ dưi hơmâo kơ nar ôh.

Khă anun hai, lăi nao ama\ng bruă mă gơ`u le\, pơgăng pơhlôm tơlơi duăm ruă, ngă tui,  laih anun tơlơi  tơlơi jao pơkă gah sang ia jrao lon ia yơh phun, laih anun ama\ng tơlơi pơjrao tơlơi duăm ruă blung hlâo, hơdôm tơlơi duăm ruă juăt bưp, tơring ]ar Daklak, ăt ngă gio\ng mơn tơlơi jao pơkă, [u dưi bơhơmutu tơlơi thâo mă bruă [ơi hơdôm sang ia jrao ôh, mơng nai ia jrao, hra\m lu hloh, dlăm hloh, laih anun lăi pơkă hơdôm nai ia jrao.

Gah bruă ia khăm, pơjrao tơlơi duăm ruă mơnuih [ôn sang, tơring ]ar Daklak le\ hasa tơring ]ar tal blung  ama\ng tar [ar dêh ]ar ta, jing abih băng sang ia jrao să phương, tring kual leng hơmâo ơi ia jrao soh sel.

S^t nik tơlơi pơkă kơ ơi ia jrao [ơi hdôm sang ia jrao, [u hơmâo dưm knar ôh, sang ia jrao gah hơ glông, samơ\ yua bruă mă pơgăng, pơhlôm tơlơi duăm ruă, laih anun nga\ tui jơlan hdră  gơ`a\m mơng lon ia, anun yơh djơ\ tui hăng tơlơi kiăng mơn. Khă anun kiăng pơđ^ hloh dơng, sang ia jrao tơring ]ar Daklak, hơmâo nga\ tui jơlan hdră, pok anih hrăm sui blan, [ia\ blan, tui ha\ng tơlơi mă bruă [ing gơ`u.

Laih anun djru brơi [irô jơnum min mơnuih [ôn sang, [irô khua apa\n bruă pơ\ ala brơi mơnuih [ôn sang tơring ]ar, ngă tui hơdôm tơlơi pơtrun, kiăng iâu pơhư] phung ơi ia jrao nao mă bruă pơ\ plơi pla.

Tơ`a: Tơlơi gơ`a\m laih anun jơlan hdră ngă tui gio\ng man pơdơng sang ia jrao djơ\ tui ha\ng tơlơi jao pơkă mơng thun 2012-2020 mơng tơring ]ar?

Ơi ia jrao Doãn Hữu Long: Ama\ng thun blan pơ\ ana\p anai hơmâo 1% să phường, tơring kual, aka\ ngă gio\ng ôh tơlơi jao pơkă mơng ding jum ia jrao dêh ]ar ta, gir run mơng ră anai truh thun 2020, amra hơmâo 10% să phường, tơring kual, hơmâo djru brơi laih gơnong ping gah, go\ng gai plơi pla, g^t gai trun djo\p gơnong bruă gah pơjrao tơlơi duăm ruă, laih anun ako\ pơjing glăi, kah hăng jao brơi tơlơi gơgrong ba, abih băng tơlơi mă bruă pơjrao tơlơi duăm ruă ngă tui gio\ng.

To\ tui gah tơlơi blơi hră gơgrong nua gah ia jrao, ăt aka\ ngă gio\ng mơn, yua kơ anun yơh pơgun truh tơlơi jao pơkă mơng lon ia ta, mơng să phường, thim ama\ng anun dơng tơlơi thâo mă bruă mơng phung nai ia jrao, ơi ia jrao [ơi plơi pla aka\ djơ\ tui hăng tơlơi pơkă ôh, gir run ama\ng hrơi blan pơ\ ana\p anai.

Hơdôm tơlơi pơtô pơblang mơng go\ng phun tơlơi pơhing, gah bruă khăm ha\ng pơjrao tơlơi duăm ruă mơnuih [ôn sang, ăt kah ha\ng tơlơi thâo hluh gah bruă rak rem, wai lăng drơi jăn pô, laih anun mơnuih mơnam.

Laih dơng mơng sang ia jrao kho\m pơđ^ h^ tơlơi thâo rơgơi, kiăng khăm hăng pơjrao brơi mơnuih [ôn sang klă hloh, ama\ng thun blan pơ\ ana\p anai.

Ơ lah! Bơni kơ ơi ia jrao lu ho\.

Rơluch Xuân: Pô ]ih hăng pôr