VOV4.Jarai- Anai le\ sa anih khăm pơjrao tơlơi ruă amăng anom ia jrao tơhan, Sang ia jrao tơhan ,mơnuih [on sang ngă hro\m – Anom bruă git gai tơhan tơring ]ar Daknông ngă bruă wai lăng, khăm hăng pơjrao brơi tơhan apăn bruă, ling tơhan mơng Anom git gai tơhan tơring ]ar.

Rơngiao kơ anun dong, [ing ơi ia jrao ling tơhan [ơi anai hur har pran jua djru bruă [ơi sang ia jrao anet c\i tơring ]ar Daknông hăng hơdôm bruă khăm pơjrao tơlơi ruă kơ ană plơi pla [ơi anai.

Sa amăng hơdôm tơlơi ruă hơmâo [uh ta` hăng pơjrao hmao tlôn mơtăm [ơi sang ia jrao tơhan mơnuih [on sang ngă hro\m gah Anom bruă git gai tơhan tơring ]ar Daknông le\ tơhan Binh nhì Đoàn Văn Hoà, gah Trung đội 4, Đại đội 9, Tiểu đoàn 301.

Ayong Hoà tơră boh [leh tơdơi kơ tal ruah tơhan phrâo lơ\m ako\ thun anai. Yua pơmin ruă kian đôc\ đac\, jing `u [u lăi pơhmư\ pơ khoa `u ôh.

Laih anun hăng bruă pơhrăm tơhan jai hrơi kơtang tui, tơlơi ruă ayong Đoàn Văn Hoà jai kơtang hloh. Lơ\m ba nao pơ anom pơjrao, arăng lăng djơ\ tơlơi ruă laih anun hơmâo hơdră pơjrao djơ\ lăp:

‘’Amăng mông mă bruă, yua ruă kơtang đơi jing anom bruă tơhan ba nao pơ sang ia jrao tơhan mơnuih [on sang kiăng ơi ia jrao pơjrao brơi, amăng 2 wơ\t hrơi tơjuh laih rơgao, kâo hơmâo [ing ơi ia jrao abih pran jua pơjrao brơi yua anun kâo plai laih, ăt gir mơ`um jrao djơ\ tơlơi pơtă pơtăn yơh kiăng ta` suaih pơ wơ\t glăi mă bruă [ơi grup tơhan prong.

Lơ\m phrâo [uh tơlơi ruă le\ [ing ơi ia jrao pơ[ut pơjrao, khăm pơjrao na nao mơtăm yơh laih anun krap lăng hu\i ruă glăi dong’’.

Hro\m hăng tơhan apăn bruă, ling tơhan [ơi Anom git gai tơhan Daknông, do\ hơmâo lu mơnuih [on sang plơi prong Gia Nghĩa nao khăm pơjrao tơlơi ruă [ơi anai.

Yă Hà Thị Xuất, [ơi Bon Dăk R’Moan, să Dak R’Moan, plơi prong Gia Nghĩa le\ sa amăng hơdôm c\ô mơnuih ruă juăt rai pơ sang ia jrao pơjrao tơlơi ruă kah hăng ruă kơiăng rong, ruă tơlang rong, ruă ako\.

Yă Hà Thị Xuất brơi thâo, sang ano\ tơnap tap tui hăng `u, dưi pơjrao pơ anai jing tơlơi bưng biă mă yơh:

‘’Kâo rai pơ anai lu wơ\t laih, rim hơmâo tơlơi ruă hơget thơ lêng kơ rai pơ anai soh, djơ\ hrơi `u, tơc\ô kâo ruă le\ ba rai pơ anai, [ing ơi ia jrao khăm giong le\ mă prăk aset [iă mơ\n, yua dah am^ ama `u pơklaih rơkơi bơnai sui laih, ră anai do\ tom kâo 10 thun anai yơh.

Lu wơ\t kâo nao khăm pơ sang ia jrao mơnuih [on sang mơ\ [u plai ôh, yua anun kâo hơdai rai khăm pơ anai dong, ơi ia jrao pơ anai mă bruă abih pran jua, khăm giong anun brơi ia jrao mơ`um jing djơ\ biă’’..

Kiăng pơtrut đ^ tơlơi hiam klă amăng bruă khăm hăng pơjrao, Sang ia jrao tơhan hăng mơnuih [on sang [ơi Gia Nghĩa hơmâo tuh pơ alin blơi lu măi mok yôm, hơmâo sa boh rơdêh ôtô djru pơgiăng mơnuih ruă kơtang, sa boh măi sinh hóa pơđuăi mă hơjăn, sa boh măi sem lăng drah, sa boh măi pơkă jua pơpư\ hơtai boh, sa boh măi phin X quang, sa boh măi in tơglit rup laser, 20 boh sưng đih pơkă hăng inox, 20 boh tu pơdong [ơi ako\ sưng đih, hăng abih bang prăk blơi năng ai `u 5 klai prăk.

Yua hnun, khă kơnong hơmâo 10 c\ô ơi ia jrao biên chế đôc\, samơ\ sang ia jrao lêng ngă truh kih bruă arăng jao, khăm hăng pơjrao tơlơi ruă mơng 30 truh 50 wơ\t c\ô mơnuih ri\m hrơi. Trung uý, ơi ia jrao Ngô Quang Lịch brơi thâo:

‘’Sang ia jrao anai hơmâo lu mơta tơlơi phara hăng anih khăm pơjrao tơlơi ruă pơko\n, anun le\ djru pơjrao brơi mơnuih duăm ruă amăng kual jum dar plơi prong hăng hơdôm boh tơring gông kual ataih amăng tơring ]ar.

Bruă khăm hăng pơjrao tơlơi ruă le\ [u mă prăk kăk ôh mơ\ khăm brơi đôc\ kơ mơnuih [on sag, prăk ia jrao ăt mă rơgêh hloh mơ\n kiăo tui tơlơi pơmin ‘’djru mơnuih [on sang yơh yôm biă mă’’.

{u kơnong ngă bruă khăm pơjrao tơlơi ruă kơ ling tơhan, mơnuih [on sang đôc\ ôh mơ\, Sang ia jrao tơhan, mơnuih [on sang ngă hro\m – Anom git gai ling tơhan tơring ]ar Daknông do\ ngă lu bruă pơko\n dong djru ană plơi kual ataih, asuek, sang ano\ tơnap tap dưi nao khăm hăng pơjrao tơlơi ruă.

Ri\m thun, anom bruă djru khăm pơjrao, brơi jrao mơ`um kơ năng ai `u 1.200 c\ô mơnuih duăm ruă [ơi kual ataih, kual asuek, pơtô brơi neh met wa kih rơmet sang ano\, anih anom agaih, pơgang glăi klin klon, gum hro\m c\ông jah, kih rơmet, pơkra ming anih anom jum dar.

Đại uý Lê Sơn Hải, Khoa Sang ia jrao tơhan mơnuih [on sang ngă hro\m – Anom git gai ling tơhan tơring ]ar Daknông brơi thâo:

‘’Ri\m thun ăt tui hăbg jơlan hơdră pơtrun mơng Ping gah dêh ]ar ta ăt kah hăng puih kơđông gum hro\\m bruă khăm hăng pơjrao tơlơi ruă, pơtô blang neh met wa kual ataih, kual asuek;

 pơsir h^ hơdôm tơlơi tơnap tap, pơtô brơi neh met wa hơdră hơdip [ơi anih agaih, hơdjă kiăng [ing gơ`u thâo pơgang glăi sa, dua mơta tơlơi ruă juăt bưp, pơtrut đ^ tơlơi pơmin wai lăng tơlơi suaih pral, hơđong kjăp bơwih [ong huă, bruă c\ar, kiăng pơtrut đ^ pơmin nao pơjrao tơlơi ruă mơng mơnuih [on sang [ơi anai’’.

Tơlơi pơmin hiam, kjăp bruă pơjrao, ơi ia jrao [ơi Sang pơjrao tơhan mơnuih [on sang ngă hro\m – Anom bruă git gai tơhan tơring ]ar Daknông pơdah pran jua ‘’ling tơhan rơnuk wa Hồ’’, lêng ngă truh kih bruă arăng jao amăng djo\p mơta anih.

Anai le\ anih mơnuih [on sang plơi prong Gia Nghĩa, Daknông đăo gơnang abih pran jua lơ\m wai pơgang tơlơi suaih pral.

Siu H’Mai: Pô ]ih hăng pôr