VOV4.Jarai - Kơ-iăng khua ding jum pôr pơhing hăng gru grua Afghanistan ơi Mu-da-hin lăi pơtong, hơdôm tơlơi rơkâo mơng jar kmar kiăng kơ tŭ yap Kơnuk kơna phrâo ƀơi Afghanistan lĕ ƀu djơ̆ hăng tơlơi kiăng mơng tơhan Taliban. Gong pơdah rup Sky News Arabia lơ 23/9 ba boh pơhiăp mơng ơi Mu-da-hin lăi glăi tơlơi tơña, ñu lăi pơtong, truh ră anai, tơhan Taliban aka ƀu tŭ ư hăng tơlơi rơkâo kiăng kơ tŭ yap Kơnuk kơna phrâo ƀơi Afghanistan mơng jar kmar ba tơbiă. Tơhan Taliban glăk pơtom hiăp na nao hăng hơdôm boh dêh čar pơkŏn, hluai tui pran luă gŭ tơdruă, Laih dong hơmâo hră mơ-it pơtrut Sang gum hơbit djop dêh čar tañ hơmâo tơlơi pơsit amăng bruă pơtom hiăp. Samơ̆ ñu lăi pơtong, abih bang tơlơi bơngŏt mơng jar kmar bơdjơ̆ nao khua mua phrâo amăng Afghanistan amra rơđah amăng pơgi kơdih.

Siu Đoan: Pơblang