VOV4.Jarai - C|ơkă thun phrâo, gong gai [on lan hăng mơnuih [on sang să Ea Tar, tơring glông C|ư\ M’gar, tơring c\ar Daklak hur har pran jua biă mă lơ\m să dưi ngă truh kih tui hơnong pơkă plơi pla phrâo.

 

Jơlan nao rai hơmâo tuh [êtông tơpă bơbrăng, lu sang phrâo man pơdo\ng, đang hmua pla kơphê, tiu hiam mơtah le\ boh than ba glăi mơ\ng hrơi pơphun man pơdo\ng plơi pla phrâo mơ\ să Ea Tar dưi ngă.

 

Anai le\ tơlơi pơtrut pơsur, akô| phun yôm pơphăn kiăng să hrưn đ^ pơplih prong tui do\ng amăng thun phrâo 2019.

 

Lăng nao jơlan hiam tuh bêtông gah anăp sang, amai H’Hoan Êban, do\ [ơi plơi Drai Sí, să Ea Tar pran jua hok mơ-ak biă mă.

 

 

 

Neh met wa să Ea Tar rơmet agaih jơlan plơi prap c\ơkă thun phrâo

 

Hlâo Adih jơlan anai nao rai tơnap biă mă, amăng bơyan hơjan dưi rơbat tơkai đôc\. Neh met wa ăt c\ang rơmang hơmâo sa jơlan tuh [êtông kiăng nao rai.

 

Lơ\m [ing apăn bruă tum pơ[ut jơnum ană plơi pla, pơsur kiăng pơyơr lo\n sang pơkra glăi jơlan plơi, sang anô| `u hơmâo pơyơr 800m2 lo\n sang.

 

Hlâo adih jơlan nao rai bor biă mă, [u dưi đuăi rơdêh ôh, [ing gơmơi kơnong rơbat tơkai đôc\. Kâo c\ang rơmang mơ-ai kiăng hơmâo jơlan hiam kar hăng plơi pla pơko\n.

 

Lơ\m kơnuk kơna c\uk pơkra jơlan sang anô| gơmơi [u hơ-ưi ôh lo\n sang kiăng kơ pơkra glăi jơlan. Ră anai jơlan nao rai gêh gal biă mă, nao pơ đang hmua ăt amu` mơ\n.

 

Tơdơi kơ pơkra giong jơlan tuh [êtông, Khul đah kơmơi să Ea Tar hơmâo pơtrut [ing đah kơmơi djru pran mă bruă, j^ rok, tuh asuk ruk, pla bơnga dua bơnah jơlan.

 

Yua kơ tơkai tơngan laih dơ\ng gir kơtir mơ\ng adơi amai, dua bơnah jơlan pla bơnga hluh đ^ hiam hlip hlap, pơplih [ô| mơta kơ plơi pla, djru bơwih brơi jơlan glông amăng plơi pla agaih hiam tui.

 

Kơtuai tui jơlan hlip hlap bơnga hiam bluh [ơi anăp sang, Amai H’Huyên Ayun, do\ [ơi plơi Drai Sí, să Ea Tar, hok mơ-ak ră ruai: Ră anai, nao pơpă lêng kơ [uh bơnga dua bơnah jơlan, [uh [ơi [ơi lêng kơ agaih hiam soh, pran jua mơ-ak biă mă, tơlơi gleh glar mơ\ng anun mơ\n rơngiă h^ abih.

 

Ngă tui tơlơi pơsur mơ\ng Khul đah kơmơi să le\ pơtrut [ing adơi amai pla bơnga dua gah jơlan amăng plơi laih dơ\ng pơtrut hơdôm gru\p đah kơmơi klơi luh tuh asuk ruk tui hăng tơlơi pơkă man pơdo\ng plơi pla phrâo thun 2018.

 

Pơhmu hăng thun 2017, thun 2018 djop jơlan glông bơnga lêng kơ bluh hiam soh. Glăi mơ\ng đang hmua lăng dua gah jơlan lêng kơ bơnga soh pran jua hok kơdok, lăng hiam biă. Amăng pran jua mơ-ak [u thâo lăi hơge\t tah.

 

Hro\m hăng bruă pơkra glăi jơlan glông, hơdôm ring bruă anih anom bơwih [ong huă – mơnuih mơnam hơmâo sang gru grua, sang hră, sang ia jrao, honoh kông ia, apui lơtrik … hơmâo man pơdo\ng kjăp.

 

Bruă ngă đang hmua hơmâo tuh pơ alin, gum pơgôp pơplih rơnoh yôm mơ\ng gơnam tam, hơpuă yuă hmâo hmăi laih dơ\ng prăk pơhrui lu tui kơ mơnuih [on sang, tơlơi hơdip mơ\ng anun yơh jai hrơi hơđong tui.

 

Đơ đam să do\ kơnong 83 boh sang anô| [un rin, hơmâo 4,21%. Amai H’Brach Niê, Kơ-iăng khoa plơi Đrai Sí brơi thâo, bruă man pơdo\ng plơi pla phrâo hơmâo ba glăi tơlơi hơdip pơplih phrâo [ơi să Ea Tar, ba glăi tơlơi mơ-ak kơ mơnuih [on sang lơ\m tơlơi hơdip hơmâo hrưn đ^:

 

Lơ\m pok pơhai bruă man pơdo\ng plơi pla phrâo, thun anai le\ thun ngă pơgiong, thun hlâo hơmâo c\uk pơkra glăi jơlan nao rai [uh mơnuih [on sang do\ng yua biă mă.

 

Plơi pla phrâo hơmâo 100% mrô mơnuih hơmâo apui lơtrik bơ sang hră amăng plơi hơmâo sang hră c\ơđai muai, sang jơnum plơi ăt hơmâo mơ\n. Bơ jơlan le\ hiam biă mă. Anai le\ sa tơlơi pơplih phrâo prong prin.

 

Tơlơi hơdip kơ mơnuih [on sang hơmâo pơplih rơđah rơđong, [ong Tết mơ-ak [iă thun hlâo anun.

 

Yua mơ\ng Jơlan hơdră man pơdo\ng plơi pla phrâo, pơplih glăi tơlơi bơ wih [ong huă amăng să Ea Tar hơmâo pơđ^ kyar tong ten.

 

Tơdah hlâo adih, prăk pơhrui mơ\ng bruă ngă hmua truh pơ 100%, bơ ră anai hơmâo pơđ^ kyar tui do\ng hơdôm anom bơ wih [og s^ mơdrô anet, man pơdo\ng kah hăng s^ mơdrô. Mơnuih hơmâo bruă mă rơbêh kơ 95%.

 

Ơi Đinh Quang Trung, Kơ-iăng khoa apăn bruă Ping gah să Ea Tar , tơring glông C|ư\ M’gar, tơring c\ar Daklak brơi thâo, tui hăng tơlơi pơđ^ kyar anai.

 

Amăng thun 2019 să amra đing nao pơđ^ kyar bơwih [ong huă ngă đang hmua tui hơdră pla lu phun kyâo, kiăng hrưn đ^ prăk pơhrui mơ\ng lo\n đang hmua.

 

Să pơsit kho\m gir run tui [ơ[rư\ kiăng kơ tơlơi hơdip kơ mơnuih [on sang dưi hrưn đ^. Ră anai [ing gơmơi to\ tui ngă man pơdo\ng anih anom, biă mă `u le\ jơlan glông brơi kơ ană plơi pla amu` nao rai.

Amăng bruă ngă đang hmua kiăng đing nao pla lu djuai phun pla, pla pơplah kiăng pe\ pơhrui lu [iă, laih dơ\ng pok prong rông hlô mơnong.

 

Ea Tar ră anai hơmâo buh sum ao phrâo hiam yơh, bă blai pran hơdip. Sang man pơdo\ng pơprong, agaih hiam, mơnuih hơdip thâo hluh, rơnuk rơnua glăk [uh rơđah rơđong [ơi r^m c\ô mơnuih, djop sang anô| …

 

Hăng bơyan bơnga thun anai, him lăng le\ sa bơyan bơnga bă blai tơlơi mơ-ak kah hăng tơlơi c\ang rơmang mơ\ng mơnuih [on sang să Ea Tar, jing sa tơlơi yak nao prong prin amăng tơlơi pơplih phrâo plơi pla.

Siu Đoan: pô c\ih hăng pôr