VOV4.Jarai - Amăng tơlơi hơd^p bruă mă mơng pô, lu mơnuih apăn bruă ling tơhan amăng khul ling tơhan hmâo ư-ang dưi bưp, mă bruă hăng Khua hơđăp git gai Ping gah dêh ]ar, Thượng tướng Lê Khả Phiêu.

Ano# lăp djă pioh kơ `u anun le\ sa ]ô mơnuih to\ng ten amăng bruă mă, tơpă, hma]. Tơlơi mơ\ gơ`u pơpu\ `u le\ kiăng khăp na nao hăng ling tơhan, thâo tơngia hăng mơnuih [ôn sang hăng tơlơi do# bơngot kơ tơlơi hơd^p mơda mơng mơnuih [ôn sang.

Hăng pô hyu mă tơlơi pơhing phrâo Vũ Ngọc Xiêm – hmâo ha tal mă bruă [ơi Hră pơhing Quân khu 7, tơdơi anai le\ hră pơhing mơng Khul ling tơhan hơđăp Việt Nam, lăp djă pioh kơ Khua hơđăp git gai Ping gah dêh ]ar ta rơgom ơi Lê Khả Phiêu le\ sa ]ô khua git gai to\ng ten, rơđah rơđông amăng bruă mă, hmâo jơlan gah [u tơnap ôh, pran jua tơpă sit.

Amăng hơdôm bruă jơnum [ơi Quân khu 9, khă `u khua git gai gưl dlông hai, kơnong kơ lăi đ^ hơdôm tơlơi hmâo tơhnal lăi nao abih bang mơ\, `u do# ]râo tơbiă rơđah, rim tơlơi bruă rơđah rơđông anun amu` thâo, amu` djă pioh.

Mơnuih [ôn sang kual Dơnung dêh ]ar hăng ling tơhan Quân khu 9 juăt iâu `u hăng anăn hơ-on ayong “Năm Phiêu”.

Tơlơi lăp lăi le\ tơdơi anai khă apăn bruă git gai hơpă dlông hloh mơng Ping gah, samơ\ rim wot glăi ]uă Quân khu hăng mơnuih [ôn sang kual Dơnung dêh ]ar, ơi “Năm Phiêu” ăt do# djă pioh hơnong mơn anăn, bruă mă hăng tơ`a bla rim mơnuih ngă hlơi hlơi leng kơ [uh ol pran jua.

Khua hơđăp git gai Ping gah dêh ]ar ta rơgom ơi Lê Khả Phiêu do# đing nao truh tơlơi hơd^p mơda mơnuih [ôn sang hăng do# bơngot na nao kơ tơlơi anai.

Hơdor glăi do# ber hrom hăng `u [ơi dlông song đuăi abih rơnoh hyu pel e\p lăng ia ling dăo [ơi kual Yu\ amăng thun 2000, pô mă tơlơi pơhing phrâo Vũ Ngọc Xiêm ruai glăi: Lom song nao pơ\ kual [ơi krah ]ra\n Đồng Tháp hăng Long An, ơi Lê Khả Phiêu [uh tơlơi hơd^p sa bôh sang ano# glăk do# hơd^p [ê# mă [ơi krah ia mlar `u weh nao mơtăm.

Tơdơi kơ thâo tơlơi hơd^p sang ano# anun, `u git gai tơring ]ar khom djru brơi mơtăm hăng ba abih bang sang ano# anun nao pơ\ anih pơhlôm. {u djơ\ tui anun đo#] ôh, `u do# pel e\p lăng tơlơi anai dưi hmâo tơring ]ar ngă tui truh kih mơn: 

“Kâo juăt hyu hăng lu khua mua, lăi giong laih le\ [u hyu pel e\p glăi ôh. Samơ\ hăng Khua hơđăp git gai Ping gah anai tơdơi kơ hyu pel e\p le\ [ơi mông jơnum `u tơ`a mơtăm: Sang ano# [ơi anun, [ing gih hmâo ba nao pơ\ kơdư yơh. Sa ]ô khua git gai [ơi Đồng Tháp lăi le\ akă thâo rơđah ôh.

Khua hơđăp git gai Ping gah dêh ]ar lăi: Ngă mơnuih apăn bruă tui anun akă dưi ôh, ih khom git gai mơtăm kơ tơring glông, kơ plơi pla nao pơ\ anun mơtăm ba gơ`u glăi. Dua mông tơdơi kơ anun khom lăi pơthâo glăi kơ kâo”.

Khua git gai Ping gah Lê Khả Phiêu mut hrom khul ling tơhan mơng `u 19 thun. ~u hmâo ha tal le\ Khua gơgrong bruă Anom bruă kơđi ]ar Khul ling tơhan mơnuih [ôn sang Việt Nam, djă grăt Thượng tướng.

Tơlơi hơd^p huăi dleh tơnap, [u ngă khưm mơng Khua hơđăp git gai Ping gah dêh ]ar ta ơi Lê Khả Phiêu do# pơdah amăng sa tal pel e\p tơlơi ia ling dăo [ơi Đồng Tháp.

Lom nao pơ\ anun, lăng [uh plơi pla yôl khăn ]ih bôh pia: “Hur har ]ơkă mơ-ak Khua git gai Ping gah dêh ]ar ơi Lê Khả Phiêu glăi ]ua\ hăng mă bruă [ơi Đồng Tháp”, `u [uh rơngôt biă hăng jăm [uah mơtăm.

Yua kơ `u nao pel e\p tơlơi ia ling dăo [u djơ\ hyu ]uă ngui ôh tăng đ^ khăn hmâo bôh pia tui anun. Ngă mơnuih păn bruă khom lăng dưm kơnar anun kah [uh je# giăm hăng mơnuih [ôn sang hăng tui anun mơnuih [ôn sang mơng đăo gơnang.

Lăi nao kơ Khua hơđăp git gai Ping gah dêh ]ar ơi Lê Khả Phiêu, Thiếu tướng Trương Giang Long – Ding kơna Khul pơblang bruă Ping gah, pơsit le\, `u le\ pô khua tơhan tum pơ[u\t djop kơnuih mơng “Ling tơhan Wa Hồ”. Sa ]ô mơnuih hmâo hơdôm pran jua pha ra, sa ]ô apăn bruă kơđi ]ar pơhra\m kơja\p bruă mă.

Lăp djă pioh mơng Thiếu tướng Trương Giang Long tal blung a bưp Khua hơđăp git gai Ping gah dêh ]ar ơi Lê Khả Phiêu, anun le\ lom do# ngă khua ]ih pioh kơ Thượng tướng Trần Văn Trà. Tơlơi ruai mơng dua ]ô khua tơhan hrơi anun hmâo pioh glăi laih kơ `u hơdôm pran jua ol kơdol pha ra biă:

“Lom `u ră ruai hăng Thượng tướng Trần Văn Trà, `u ruai kơ ano# rơngiă ngiom mơng adơi ayong [ơi tơdron blah pơ\ dêh ]ar Kur. Wot dua gơmơi do# kret kruai, wot dua gơmơi leng kơ [le\ ia mta.

Kâo [u khin nao giăm ôh, yua kơ kâo [u khin tek djơ\ tơlơi hơ]ih anun. Mơng lăm pran jua [ing gơ`u, gơ`u khom kiăng khăp ling tơhan tui anun, kiăng khăp pô gah yu\ kơ pô tui anun kah mơng jing [ing khua mơbruă mơng khul ling tơhan”.

Tơdơi anai, lom nao do# pơ\ Hà Nội mă bruă hăng bruă apăn Kơ-iăng Khua dăp hơdră Hơdrôm hră pơhing Cộng sản, Thiếu tướng Trương Giang Long dưi hmâo Khua hơđăp git gai Ping gah dêh ]ar ơi Lê Khả Phiêu jak iâu nao pơ\ sang ngui.

{ơi anai, Khua hơđăp git gai Ping gah dêh ]ar hmâo pơtă pơtăn lu tơlơi, kah hăng: }ih kơ tơlơi pơplih phrâo mơng Ping gah le\ khom dưi lăi tơlơi klă, tơlơi hiam kiăng pơsur abih bang Ping gah, abih bang ling tơhan, abih bang mơnuih [ôn sang, samơ\ ăt khom lăi mơn ano# tơdu, akă dưi ngă, biă `u phun lăng mơng anun kiăng hmâo jơlan gah pơsit amăng bruă mă tơlơi pơmin, pơblang bruă mơng Ping gah.

Tui hăng Thiếu tướng Trương Giang Long, tơlơi kiăng khăp kơ ling tơhan, hăng mơnuih [ôn sang, tơlơi do# pơmin kơ tơlơi hơd^p mơda mơng mơnuih [ôn sang Việt Nam tơdơi kơ blah ngă mơng Khua hơđăp git gai Ping gah dêh ]ar ơi Lê Khả Phiêu leng tum pơ[u\t amăng hơdrôm hră “Mênh mông tình dân”:

“Amăng hơdrôm hră “Mênh mông tình dân” mơng bôh hră blung a truh glông rơnu] pơdah đ^ tơlơi yôm phăn pran jua kiăng khăp mơnuih [ôn sang, kiăng khăp mơnuih [ôn sang prong prin.

Yua pran jua kiăng khăp amăng krah mơnuih [ôn sang hăng Ping gah le\ pran pơtrut `u pơmin pok tơbiă jơlan pơplih phrâo kiăng ba bruă mă mơng Ping gah truh ako#”.

Khua hơđăp git gai Ping gah dêh ]ar ơi Lê Khả Phiêu, “ayong Năm Phiêu” rơngiă laih, samơ\ pran jua mơng `u hăng mơnuih apăn bruă tơhan, ling tơhan hăng mơnuih [ôn sang kual Dơnung dêh ]ar hăng hơdôm tơlơi gum hơgo#p mơng `u pioh kơ lo\n ia ăt do# na nao mơn./.

Siu H’ Prăk: Pô ]ih pơblang