VOV4.Jarai-Hơdôm thun giăm anai, anăn păn mơ\ng K’Brok, djuai ania K’ho do\ pơ [on Lăng Ku\, să Gung Reh, tơring glông Di Linh, tơring ]ar Lâm Đồng dưi hơmâo lu mơnuih hmư\ hing yua kơ tơlơi pơmin mơ\ng `u ako\ pơphun bruă mă phara biă mă.

 

Hăng tơlơi pơmin pơđ^ kyar đang hmua djơ\ hăng hnong hnăi glai klô, hơduah e\p rơnoh pơhrui glăi phara, `u pơmin nao kơ bruă pơgang hơđong kjăp. K’Brok pok pơhai lu kơ]ăo bruă lu mơnuih [on sang lăng hăng lăp hrăm tui.

 

Tơdăm kỹ sư anăn K’Brok djuai ania K’ho `u khom lui bruă mă glăk hơđong laih [ơi kông ty pơ]ruh ngăn e\p hơdră mă yua boh thâo phrâo ia rơgơi hăng pơkă lo\n pơ Hà Nội, glăi pơ plơi pla `u pô rông un, bui.

 

~u nao tơl pơ să kual ataih Sơn Điền, tơring glông Di Linh, Lâm Đồng pioh ako\ pơjing grup ngă [ong hrom rông un, bui phai lui amăng đang glai prong, kiăng ngă tui hơdră phara hơjăn `u, pioh s^ mơdrô dưi pơhno hăng gơnam s^ mơdrô pơko\n wơ\t a`ăm mơnong hăng nua s^ mơdrô.

 

K’Brok hăng K’Khuy  lăi pơthâo hơbo# bruă pơphun bruă mă kơ hlăk ai Lâm Đồng

 

Djuai un, bui `u ruah mă rông le\ bui ju\ amăng plơi pla djuai ania [iă juăt rông. Pu\ un, bui rông phai lui amăng đang, hmua kơphê, amăng glai gah hmua, mơnong [ong mơ\ng hmua pơdai, glai klô mơtam kah hăng phun pơtơi set, rơbung hăng djop mơta a`ăm pơtam pơko\n.

 

R^m tlam, hmư\ atông teng juăt laih, pu\ un, bui [r^ glăi [ong hlo\k pơdai, hlo\k kơtor pô `u ]em. K’Brok ră ruai:

 

‘’Kâo hrăm gưl prong gah bruă hmua hăng pla kyâo glai, hrăm dơlăm gah bruă wai lăng kyâo glai hăng ]em rông.

 

Hăng tơlơi kiăng rông un, bui, mơnu\ djuai hơđăp mơ\ng ană plơi pla ta; pơđ^ tui gru grua boh thâo ia rơgơi djuai ania pô mơ\ng đưm.

 

 Pơđ^ kyar bơwih [ong huă le\ ăt ngă tui gru hơđăp pioh kơ ]ơđai rơnuk anai [uh hăng hơdor glăi.

 

Djă pioh hăng pơđ^ tui djop mơta mơnong [ong huă rơgoh jơman mơ\ng djuai ania ta pơkra ming, khom djă pioh na nao, hu\i rơngiă h^ tơdah [u ako\ pơjing glăi’’.

 

Hăng 45 drơi un, bui tal blung a, sa thun un tuh dua hnưr, hơmâo rơbêh 300 drơi. Lơ\m ană un, bui `u rong truh 15 kg le\ `u ba s^ mơdrô yơh, pơhrui glăi abih tih 450 klăk prăk.

 

Hơdră pla kơphê tui hluai ayuh hyiăng phiăn hơmâo yua K’Brok ngă

 lu mơnuih gleng nao biă

 

Hrom hăng anun, rông bê, rông mơnu\ ăt rông phai lui mơ\n, anun yơh pơhrui glăi lu [iă. Dơ\ng mơ\ng hơdră ngă bruă pok pơhai tui anun, K’Brok hơmâo anom bruă pơphun bruă mă mơ\ng sang hră gưl prong Đà Lạt pơpu\ bơni kơ `u tơlơi pơmin pơ]eh phrâo pơphun bruă mă phara biă.

 

Samơ\, tơdăm djuai ania K’ho, K’Brok anai [u ngă hơjăn ôh, yua dah pu\ un, bui rông phai lui amăng glai, djuai pơjeh ju\, bê blâo ko#, phai lui đuăi hyu amăng kơdư ]ư\, sit am^ ama `u tha rơma ăt glăi pơ sang, pơ plơi pla mơ\n, anun `u khom hơmâo mơnuih do\ wai.

 

 Hơ’ưi kơ bruă `u do\ ngă du bla, anun glăi pơ plơi Lăng Ku\, să Guh Reh, tơring glông Di Linh, `u pơphun ngă bruă pla kơphê ăt tui hluai phiăn hơmâo mơ\ng glai klô laih anun djă pioh gru grua tơlơi thâo thăi đưm djuai ania K’ho:

 

‘’Pla kơphê khom rơgoh hơdjă, [âo bơngưi, kơphê along hơmâo lu mơnuih hor mơ`um. Lơ\m kâo pla kơphê hơdjă anai, [ing thâo mơ`um kơphê hmư\ hing.

 

Jing mơnuih djuai ania K’ho, ta hơmâo hơdră pơđ^ kyar phara hơjăn. {ing adơi ayong djuai ania pơko\n, wơ\t adơi ayong Yuan arăng ngă dưi mơ\n, ta ăt dưi mơ\n ngă tui’’.

 

Bruă ngă hmua, pla kơphê tui hơdră rơgoh hơdjă K’Brok ngă tui amăng sang ano\ `u pô mơtam. Anai le\ hơdră `u ngă hmua pla kơphê phara hơjăn `u đô], samơ\ ta ăt juăt [uh mơ\n.

 

 

Hơdră rông un, bui phai lui amăng đang hmua, glai klô mơ\ng K’Brok

 [ơi să Ya {ăk, tơring glông Di Linh, Lâm Đồng

 

Đang kơphê `u [u jik rơ\k ôh, tăp năng pla rơ\k dơ\ng hăng phun ngă tơ-ui amăng đang kơphê. Kỹ sư K’Brok pơblang kơ bruă `u ngă anai, kiăng hơmâo boh kơphê hơdjă rơgoh laih anun s^ mơdrô nua yom hloh:

 

‘’Phun kyâo kâo pla amăng đang kơphê le\ djuai phun kyâo arăng lăi djuai pơjeh rơtă, hla prong. Pla 3,4 thun, `u ngă tơ-ui amăng lo\n đang, lo\n hmua ta hăng lo\n jing tui.

 

Lo\n pơ plơi pla ta pô le\ lo\n kơdư ]ư\ siăng, bơyan hơjan ia tơhroh, lo\n ia kor đuăi, bơyan phang le\ adai pơ-iă kơtang lo\n hlor pơ-iă mơ\n.

 

Bơyan phang le\ kơ[ah ia, [u hơmâo ia bruih, kâo pla djuai kyâo anai kiăng plai [iă bruih ia amăng bơyan phang. Yua hơmâo kyâo pơtâo anun `u ngă rơ-ơ\ kơ phun kơphê, kơphê mơtah mơda na nao, boh kơphê rơgoh, hiam jơman’’.

 

{uh rơđah, glăk amăng bơyan phang, đang kơphê sang ano\ K’Brok ăt mơtah mơda hlơ hlip, huăi kiăng bruih ia ôh.

 

Sa tơlơi dơ\ng phara biă mă, mông anai amăng blan 3 laih, sang ano\ K’Brok ăt do\ pe\ kơphê đô], lơ\m anun arăng pla kơphê amăng kual Dap kơdư abih blan 1, hlâo kơ truh bơyan [ong tết ngă yang thun phrâo khom pe\ giong abih.

 

Bruă pe\ kơphê hăng k’uă kơphê ngă tơpung mơ\ng sang ano\ K’Brok ăt phara mơ\n. Boh kơphê khom tơsă ih abih [hiao hnun kah pe\, [u pe\ boh kơphê do\ mơtah ôh. Laih pe\ giong, boh kơphê [hu amăng sing, rơ-i ]ơkua dưm [ơi tơrưng.

 

Ngă hrom hơdră pla kơphê anai jing pla kơphê tui hluai phiăn hơmâo ayuh hyiăng glai klô, sang ano\ K’Brok ngă, hơmâo tom sang ano\ K’Khuy, do\ pơ plơi Hàng Làng, să Guh Reh, tơring glông Di Linh mơ\n.

 

 K’Khuy laih hrăm giong sang hră gưl prong Đại học Tây Nguyên, `u glăi pơ plơi, arăng ruah ngă kơ-iăng khua khul tơdăm dra mut phung să Guh Reh.

 

Samơ\ yua kiăng ngă hrom hăng K’Brok anun `u ngă bruă pla kơphê tui anai, kiăng hơmâo kơphê hơdjă rơgoh jơman, djă anăn K’ho Coffee:

 

‘’Ngă kơphê tui hơdră hữu cơ hiam kơ ayuh hyiăng, kơnang kơ lo\n mơnai, ayuh hyiăng phiăn hơmâo, [u pruai kmơ\k ôh, ako\n mă yua jrao pơdjai hlăt lơi, kơnong dưm kmơ\k eh rơmô, kmơ\k djah djâo hla kyâo bru\ anun lơ\m kơphê hna, k’uă tơpung hrong mơ`um le\ jơman hloh kơphê arăng tơđar.

 

Kơphê pla [u pruai kmơ\k le\ [âo bơngưi, jơman biă mă pơkă hăng kơphê pla mơ\ pruai kmơ\k jrao laih anun pơgang tơlơi suaih pral kơ mơnuih mơ`um, blơi mơ`um yua huăi hơmâo pruih jrao pơdjai hlăt ôh. Gơmơi ]ang rơmang ]ih anăn kơphê K’ho Coffee’’.

 

Tơlơi pơmin pơphun kơ bruă mă thâo pơ]eh phrâo mơ\ng K’Brok `u hmư\ hing pơ lu mơnuih pơko\n ngă tui.

 

Thun hlâo, K’Brok ngă hrom Hơdră anăn ‘’Lông lăng kơ hlăk ai Việt Nam yua thâo pơ]eh phrâo mơnuih mơnam [ơi Hà Nội, kơ]ăo bruă ako\ pơdong plơi pla djuai ania K’ho pơđ^ kyar gơnam gru grua phara [ơi plơi pla, `u hơmâo mă pri arăng apah bơni.

 

Hlăk ai hăng lu tơlơi kiăng prong biă mă, K’Brok ba glăi tơlơi thâo thăi mơ\ng anih `u hrăm hăng ba tơbiă tơlơi pơmin pơphun pơ lu anih, dơ\ng mơ\ng kual Dap kơdư truh pơ Hà Nội laih anun pơwơ\t glăi pơ plơi pla.

 

Tu] rơnu] tơdăm kỹ sư hrăm gah bruă hmua, pla kyâo glai K’Brok, ăt djơ\ mơta mơ\ng sa ]ô dra djuai ania K’ho `u mơ\n anăn Miu Du Cil, do\ pơ plơi prong Đà Lạt hiam ro#.

 

Tui hăng tơlơi phiăn gru đưm mă kơnung gah am^, dra K’ho hiam bơnai Miu Du Cil do\ pơ Đà Lạt, rơnu] thun hlâo laih pơdo\ hăng K’Brok glăi pơ sang ano\ gah bơnai `u mă bruă samơ\ yua kiăng ako\ pơjing bruă mă kơ djuai ania K’ho pơ plơi pla `u pô anun yơh jak ba bơnai `u glăi pơ plơi pla `u adih do\ hrom sang ano\ gah rơkơi

 

‘’Sang ano\ gah bơnai kâo, biă mă `u bơnai kâo djru hrom bruă mă mơ\ng kâo, kiăng ngă giong h^.

 

Kâo kiăng pơphun mơ\n bruă ]ơkă tuai do\ amăng sang ano\ mơtam Homestay, sang ano\ bơnai kâo ăt tu\ ư mơ\n.

 

Hơdôm bruă ngă laih aka giong [u lui ôh, khom ngă giong h^, pla kơphê rơgoh hơdjă, pơgang ayuh hyiăng anih hơdip jum dar, rông un, pơdong sang hăng ngo\ tui sang gru đưm djuai ania pô’’.

 

Tơlơi kiăng mơ\ng hlăk ai hăng lu  tơlơi pơmin pơ]eh phrâo pơtrut pran jua tơdăm K’ho K’Brok lăng nao pơ anăp adih, kiăng ba glăi tơlơi ]ang rơmang amăng plơi pla djuai ania K’ho [ơi kual lo\n Dap kơdư hiam mơak hloh kơ` pơgi ni anăp.

Nay Jek: Pơblang hăng pôr