VOV4.Jarai - Rơgao mơng anai 75 thun, tơdơi hrơi hơkru\ dưi Blan C|ơpăn, lơ 2 blan 9 thun 1945, pơ ala Kơnuk kơna jăng jai, Khua mir sir Hồ Chí Minh pơđok hră Tuyên ngôn độc lập [ơi abih bang mơnuih [on sang, pơjing rai kơnuk kơna Việt Nam dân chủ Cộng hoà. Amăng hră Tuyên ngôn hing ang anai, Khua mir sir Hồ Chí Minh [u kơnong pơsit tơlơi dưi ană mơnuih, tơlơi dưi djuai ania đôc\ ôh mơ\ ăt djă pioh hơdôm tơlơi yôm pơphăn prong hơmâo lăng kar hăng hră pơsit tơlơi dưi ană mơnuih mơng djop djuai ania yua dêh ]ar pơprong sua mă [ơi ro\ng lo\n tơnah.

Sang do\ mrô 48 plơi Hàng Ngang, Hà Nội le\ anih Wa Hồ c\ih hră Tuyên Ngôn Độc lập amăng lơ 28 blan 8 thun 1945. Kơnong hơmâo 1 rơbâo boh hră đôc\, samơ\ anai le\ hră yôm, tơlơi phiăn ber đôc\ samơ\ hơmâo pơsit djop djel tơlơi, djơ\ lăp hăng tơlơi phiăn, [u kơnong pơsit tơlơi dưi wai lăng lo\n ia đôc\ ôh mơ\ pok rơnuk phrâo mơng djuai ania ta.

Amăng hơdôm glông c\ih blung a, Khua mir sir Hồ Chí Minh lăi glăi hơdôm pok hră Pơklaih rơngai lo\n ia mơng dêh ]ar Mi hăng Hră Tuyên ngôn Tơlơi dưi ană mơnuih hăng mơnuih [on sang mơng dêh ]ar Prang pơsit: “Abih bang mơnuih tơkeng rai lêng dưm kơnar soh yơh”.

Khua mir sir Hồ Chí Minh kiăo tui anun, samơ\ pok prong hloh tơlơi dưi ană mơnuih pơlir hro\m hăng tơlơi dưi djuai ania, tơlơi gơgrong mă pô mơng djuai ania, tơlơi rơngai mơng mơnuih djuai ania Việt Nam. Kơ-iăng nai tha prin, prin tha Bùi Đình Phong, Nai pơtô rơgơi Sang hră Chính trị Quốc gia Hồ Chí Minh pơblang:

“Khua mir sir Hồ Chí Minh pơmut hro\m dua tơlơi dưi amu` [uh hloh le\ tơlơi dưi rơngai djuai ania hăng tơlơi rơngai mơng ană mơnuih jing hơmâo tơlơi dưi djuai ania. Tơlơi hơmâo lăi nao kơ tơlơi dưi mơng djuai ania anun le\ rơngai, dưi wai lăng mă pô, pơlir hơbit hăng abih bang kual lo\n. Tơlơi anun hơmâo Wa lăi mơng thun 1945 yơh, samơ\ truh 15 thun tơdơi kah Sang gum hơbit djop djuai ania mơng hơmâo Tơlơi pơsit jao glăi tơlơi rơngai kơ djop djuai ania. Truh blan 12 thun 1970 le\ Sang gum hơbit djop dêh ]ar hơmâo Tơlơi pơtrun kiăng kho\m ngă tui tơlơi dưi anun”.

Khua mir sir Hồ Chí Minh pơđok hră Tuyên ngôn độc lập

Sang do\ mrô 48  jơlan Hàng Ngang, Hà Nội

Tui hăng Khua mir sir Hồ Chí Minh, tơlơi dưi ană mơnuih hăng tơlơi dưi djuai ania bơdjơ\ nao rai. Djuai ania rơngai le\ tơlơi yôm phun kiăng pơhlôm hơmâo tơlơi dưi ană mơnuih hăng kơđai glăi ngă klă tơlơi dưi ană mơnuih sit jing tơlơi pơtrut đ^ ano\ yôm pơphăn mơng rơngai djuai ania.

Gah bơnah tơdơi mơng hră Tuyên ngôn Độc lập, Khua mir sir Hồ Chí Minh pơ[uh rơđah tơlơi dưi djuai ania, djuai ania lêng kơnar soh yơh, rim c\ô mơnuih [on sang Việt Nam lêng hơmâo tơlơi dưi soh. Nai prin tha, Tha prin Tạ Ngọc Tấn, Kơ-iăng khua Khul apăn bruă Lý luận Trung ương lăi:

“Tơlơi dưi kiăng hơdip amăng rơnuk lo\n ia rơngai anun le\ gir run plih hăng drah kơtăk, tơlơi rơgơi mơng rơnuk ơi yă đưm. Lơ\m lo\n ia rơngai le\ Wa Hồ lăi: “Lơ\m lo\n ia hơmâo tơlơi rơngai mơ\ mơnuih [on sang [u mơ-ak le\ tơlơi rơngai anun hơmâo c\i ngă hơget”. Kiăng dưi ngă tui tơlơi Wa Hồ kiăng, anun le\ tơlơi gir ngă bruă [u pơdơi pơdă mơng Ping gah, mơng djuai ania ta”.

Hơmâo mơng pran jua, tơlơi pơmin gir kơtir hăng kiăng biă mă kơ tơlơi rơnuk rơnua, rơngai lo\n ia; gir blah wang kiăng hơmâo tơlơi rơngai, rơnuk rơnua kơ mơnuih [on sang Việt Nam, Tuyên ngôn Độc lập jing pơsit tơlơi dưi prong, hing ang, [u hơmâo pô hlơi dưi tek nao mơng djuai ania Việt Nam, tơlơi pơmin kho\p kar hăng boh pơtâo [u hơmâo tơlơi hơget dưi ngă tơphư\ mơng mơnuih [on sang Việt Nam. Nai prin tha Phạm Thị Thu Hương, Kơ-iăng khua hơđăp wai lăng sang gru grua Hồ Chí Minh pơsit:

“Khua mir sir Hồ Chí Minh lăi: “Rim c\ô mơnuih lêng dưi hơdip, hơmâo tơlơi rơngai, dưi kiăng yâo mơ-ak”. Anun le\ tơlơi kiăng anăp nao mơng abih bang dêh ]ar [ơi ro\ng lo\ tơnah [u kơnong [ơi Việt Nam ôh. Rơngiao kơ tơlơi dưi ană mơnuih hăng kiăng dưi hơmâo tơlơi dưi ană mơnuih le\ Lo\n ia, Kơnuk kơna kho\m hơmâo bruă ngă hrup anun mơn. Anun le\ bruă pơdong Kơnuk kơna tui tơlơi phiăn xã hội chủ nghĩa mơng mơnuih [on sang, yua kơ mơnuih [on sang ngă pô hăng bơwih brơi mơnuih [on sang. Anun ăt jing tơlơi pơmin mơ\ Kơnuk kơna ta glăk ngă”.

75 thun tơdơi hrơi Khua mir sir pơđok hră Tuyên ngôn Độc lập, biă `u tơdơi giăm 35 thun lo\n ia pơplih phrâo, rim c\ô mơnuih [on sang Việt Nam thâo hluh dlăm hloh tơlơi yôm pơphăn mơng tơlơi rơngai, rơnuk rơnua; tơlơi yôm pơphăn prong prin hăng tơlơi pơmin dlăm mơng Hồ Chí Minh kơ tơlơi dưi ană mơnuih hăng tơlơi dưi rim djuai ania. Anun ăt jing tơlơi gơ`ăm nao mơ\ djop djuai anua, lo\n ia [ơi ro\ng lo\n tơnah anăp nao.

Lại Hoa/VOV: C|ih – Siu H’Mai: Pơblang