Pơ ala kơ grŭp Khua khul pơ ala, Khua Khul mơnuih ngă đang hmua Việt Nam Lương Quốc Đoàn brơi thâo, amăng mrô 119 čô ding kơna Grŭp mă bruă Khul mơnuih ngă đang hmua Việt Nam tal 8, Jơnum ruah tơbiă 111 čô mơnuih, tơdơi kơ anun amra pơhrua nao 8 ding kơna amăng hơdôm hrơi lăp djơ̆ hloh.

Abih bang khua pơ ala hmâo tŭ ư hăng hră čih anăn hmâo ba tơbiă hăng pơphun plĕ hră ruah Grŭp mă bruă Khul mơnuih ngă đang hmua Việt Nam tal 8, rơwang bruă 2023-2028. Tơdơi kơ ƀing khua pơ ala plĕ hră, Grŭp pel ĕp hră plĕ ruah hmâo pơphun pel ĕp. Hăng pran jua gơgrong, tañ, tơpă, lăng djơ̆, sit nik, ruah mă, Grŭp pel ĕp hră plĕ hmâo ngă giong bruă jao laih. Tui kơčăo bruă, hrơi anai (27/12) Jơnum pơphun mông pơjưh. Grŭp mă bruă Khul mơnuih ngă đang hmua Việt Nam tal 8, rơwang bruă 2023-2028 amra lăi pơthâo ƀơi anăp mông Jơnum./.