Anom lăi pơhung kơ lŏn pơpư̆ hăng Anom Vật lý Địa cầu, Anom kơsem min bôh thâo phrâo hăng hơdră phrâo măi mok Việt Nam phrâo pôr hyu tơlơi lăi pơtă hlâo, glông bruă mơng Anom phrâo čih pioh tô̆ tui tlôn 2 tal lŏn pơpư̆ ƀơi tơring glông Kon Plông, tơring čar Kontum.

Kiăo tui anun, 2 tal lŏn pơpư̆ lom 7 mông 41 mơnit mơmot hăng 8 mông 32 mơnit mơmot lơ 8/11, hmâo rơnoh kơtang lĕ 3.7 hăng 2.9 đô̆ ricte. Tui anun, truh mông anai, amăng lơ 8/11, ƀơi kual tơring glông Kon Plông, tơring čar Kontum hmâo čih pioh laih 3 tal lŏn pơpư̆ ƀơi anai. Hlâo kơ anun, lom 6 mông 1 mơnit mơmot, sa tal lŏn pơpư̆ hmâo jua kơtang 2.6 đô̆ ricte ƀơi anih hmâo rơwang (14.860 độ vĩ Bắc, 108.244 độ kinh Đông). Anom lăi pơhing lŏn pơpư̆ hăng lăi pơtă ia tơglăk - Anom Vật lý Địa cầu ăt brơi thâo mơn, ăt glăk lăng tui kơjăp mơn hơdôm tal lŏn pơpư̆ anai./.