VOV4.Jarai - Kiăng kơ pơlir hơbit, djru brơi hơdôm anom bruă bơwih ƀong sĭ mơdrô gơnam tam hiam hơdjă mơng kual čư̆ siăng kriang pơtâo, kual ataih, asuek hăng bul pơtâo, mơguah lơ 5/10,  ƀơi Hà Nội, Ding jum tuh tia pơkra pơjing hăng sĭ mơdrô pơphun jơnum bơkơtuai bơwih ƀong huă pơlir pơkra pơjing, sĭ mơdrô gơnam tam mơng kual čư̆ siăng kriang pơtâo, kual ataih, asuek hăng bul pơtâo thun 2022. Bruă ngă tui Jơlan hơdră pơđĭ kyar sĭ mơdrô kual čư̆ siăng kriang pơtâo, kual ataih, asuek hăng bul pơtâo rơwang thun 2015-2020 ba glăi boh tŭ yua prong prin ngă đĭ tui rơnoh sĭ mơdrô gơnam tam amăng hơdôm thun laih rơgao ƀơi hơdôm ƀon lan dŏ lu tơnap tap, pơ anăp anai, Ding jum tuh tia pơkra pơjing hăng sĭ mơdrô amra tŏ tui git gai, gum hrŏm hăng djop Ding jum, gơnong bruă, anom bruă bơdjơ̆ nao hăng hơdôm ƀon lan amăng kual čư̆ siăng kriang pơtâo, kual ataih, asuek hăng bul pơtâo pok pơhai ngă tui 6 bruă jao akŏ phun, amăng anun pơgiong črăn tơlơi phiăn kiăng pơsur pơđĭ kyar bơwih ƀong, pơdŭ pơgiăng sĭ mơdrô gơnam tam yôm mơng kual čư̆ siăng kriang pơtâo, kual ataih, asuek hăng bul pơtâo, kơsem min bruă pơđĭ kyar hơđong kjăp, đĭ tui rơnoh yôm mơng gơnam tam pơkra pơjing mơng hơdôm kual anai; gum hrŏm hăng hơdôm ƀon lan hăng anih anom sĭ mơdrô kiăng pơphun ba hyu gơnam tam pơhlôm brơi bruă pơkra pơjing hăng sĭ mơdrô ƀơi kual čư̆ siăng kriang pơtâo, kual ataih, asuek hăng bul pơtâo.

VOV/Siu Đoan: Pơblang