Ăt amăng bruă mă jơnum bưp nao rai mơak giăng mah plah wah Jơnum min djop djuai ania mơnuih mơnam Việt Nam hăng anom bruă djop djuai ania mơnuih mơnam dêh čar Khač laih anun djop sang bruă wai lăng djop djuai ania hơdôm tơring čar ha mơguai dua bơnah dêh čar, tlam lơ 28/11, Jơnum bưp hăng pơčrong sai nao rai kah pơpha tơlơi thâo thăi bruă mă mơ̆ng dua bơnah pơphun ƀơi plơi prong Hạ Long, tơring čar Quảng Ninh.

Lăi pơtong, bruă mă djop djuai ania mơnuih mơnam Việt Nam hăng Khač lĕ dua boh anom bruă yôm amăng tơlơi hơdip kơđi čar rim boh dêh čar, dua bơnah kah pơpha nao rai, hrăm tơdruă hăng pơsir pơđĭ tui boh tŭ yua, tơlơi gơgrong ba krăo lăng, drơ̆ng glăi mơ̆ng mơnuih mơnam hăng ngă hrŏm akŏ pơdong ping gah, gong gai kơnuk kơna, pơtum djop, pơđing hmư̆, tơlơi rơkâo mơ̆ng mơnuih ƀôn sang lăi pơthâo, rơkâo đĭ hăng ping gah, kơnuk kơna, anom bruă djop djuai ania mơnuih mơnam Việt Nam hăng anom bruă djop djuai ania mơnuih mơnam dêh čar Khač laih anun djop sang bruă truh pơ tơring čar, tơring glông, să hơmâo hrŏm sa jơlan guai dêh čar Việt Nam-Khač mơak klă, rơnuk rơnua, giăng mah, ngă hrŏm abih bang pơđĭ kyar soh.