Ƀơi mông jơnum, ƀing khua mua hơmâo hmư̆ kơ tơlơi pơhing bruă mă mơ̆ng djop sang bruă sĭ mơdrô, anom bruă amăng thun 2024; hmư̆ lăi pơthâo Hră pơtrun mrô 72 mơ̆ng Kơnuk kơna pơkă kơ jơlan hơdră pơtrun rơnoh duh jia rơnoh gơnam sĭ mơdrô tui Hră pơtrun mrô 142 mơ̆ng khua pơ ala mơnuih ƀôn sang dêh čar; Hră pơtrun mrô 103 mơ̆ng Kơnuk kơna pơkă kơ prăk apah yua lŏn, prăk duh jia yua lŏn; lăi pơthâo hơdôm bruă khom ngă duh jia amăng điện tử yua anom bruă mă jia pô lăi pơthâo; lăi pơthâo anŏ juăt soh glăi mơ̆ng sang bruă sĭ mơdrô hơmâo ƀuh hĭ laih nao ĕp lăng, sem tong ten amăng bruă mă…..

Khua mua pơ ala kơ djop sang bruă sĭ mơdrô, mơnuih duh jia rơkâo anom bruă mă jia tơring čar Dak Lak pơtô brơi tong ten hơdôm bruă či ngă, akŏ tlôn či ngă tui, hrơi mông tŭ mă hră tla prăk sĭ mơdrô hăng tač rơngiao; pơtô brơi rơđah rơđong hră pơtrun, anŏ gêh găl pioh kơ sang bruă sĭ mơdrô tŭ mă tơlơi djru pơtrun rơnoh duh jia mơ̆ng sang bruă sĭ mơdrô; kiăng tañ jŭ yap glăi hăng lăi pơthâo kơ hnưh jia dŏ dong pioh kơ djop sang bruă sĭ mơdrô hmao kru duh jua pơhrua hĭ.