Ngă tui tơlơi git gai mơng Khua dêh čar, anom bruă git gai ling tơhan tơring čar hơmâo gơgrong pơphô bruă brơi Jơnum min mơnuih ƀôn sang tơring čar hăng anom bruă git gai wai pơgang mơnuih ƀôn sang tơring čar pok pơhai jơlan hơdră, pơsit djru brơi mơnuih ƀôn sang tañ hơmâo sang dŏ rơnuk rơnua, hơđong lĕ bruă jao akŏ phun, kiăng đing nao hloh. Ling tơhan phun hơmâo ƀing ƀô̆ đô̆i hăng tơhan plơi pla hơmâo nao gum hrŏm rơmet pơagaih jum dar, pơkra ming, man pơdong sang phrâo brơi hơdôm boh sang anŏ hơmâo sang glưh răm rai.

Amăng abih tih 35 boh sang hơmâo pok pơhai, hơmâo 6 boh sang man pơdong phrâo hăng 29 boh sang pơkra ming, abih tih lêng pơgiong hăng jao brơi mơnuih ƀôn sang hlâo kơ hrơi pơkă. Abih tih prăk mă yua rơbêh 2,9 klai prăk, mă yua mơng ngăn drăp tơring čar, hơdôm ngăn rơnoh djru brơi pơkŏn hăng giăm 2.500 hrơi mă bruă mơng ƀing apăn bruă, ling tơhan.