Pơđĭ kyar amăng rơwang tal I ƀơi tơring čar Dak Lak kơnong 7,47%. Tơlơi pơgô̆ kiăng pơđĭ kyar 10% thun 2026 glăk kơtang tui amăng 9 blan dŏ glăi, lơm anun hơdôm bruă sĭ mơdrô pơ tač rơngiao, tuh tia pơkra ming hăng blơi yua gơnam ăt bơdjơ̆ sat nao mơng prăk duh logistics hăng nua gơnam đĭ tui. Kiăng pơsir hĭ hơdôm “tơlơi gun”, khua mua tơring čar Dak Lak rơkâo djop gơnong bruă, sang bruă hăng gong gai ƀon lan pel ĕp glăi hơdôm akŏ bruă, đing nao pơsir hĭ mơtăm hơdôm bruă gun kơ lŏn mơnai, pơhrui glăi lŏn mơnai hăng hră pơ-ar tuh pơ alin; pơtrut tañ čuk pơkra hơdôm ring bruă phun anun lĕ jơlan rơdêh đuăi hmar Khánh Hòa-Buôn Ma Thuột, jơlan rơdêh đuăi hmar Kơdư-Dơnung gah Ngŏ hăng hơdôm kual plơi pla pơdong phrâo djru brơi akŏ bruă jơlan rơdêh treng đuăi hmar Kơdư-Dơnung.