Găn rơgao 80 thun pơjing, blah wang, pơđĭ kyar hăng prong kơtang, anom pơtô pơblang, pơtop hrăm hăng gơnong bruă pơtô pơblang, pơtop hrăm ling tơhan lêng gơgrong, hơdeč hmar, pơphô bruă brơi Ping gah ling tơhan, Ding jum ling tơhan, anom bruă kơđi čar, gưl Ping gah, git gai djop gưl khua mua, git gai djop mơta bruă amăng tơlơi pơmĭn, gru grua, djă bong kjăp tơlơi pơmĭn mơng Ping gah ling tơhan, pơgôp pơjing ling tơhan Việt nam kjăp amăng bruă kơđi čar.

Amăng rơwang ngă bruă ră anai lơm lŏn ia ta yak nao rơwang pơplih phrâo hăng pơjing ling tơhan ngă hơkrŭ, kjăp bruă, pơplih phrâo, hrŏm hăng hơdôm tơlơi lông amăng rŏng lŏn tơnah bơdjơ̆ nao lŏn ia, tui thiếu tướng, kơ-iăng nai tha prin, nai prin tha, nai pơtô Nguyễn Bá Dương, mơnuih git gai grup rơgơi kơhnâo mrô 35 Ling tơhan gơnong glông, bruă amăng tơlơi pơmĭn, gru grua kiăng hrưn đĭ prong ƀiă kiăng anăp nao pơjing ling tơhan mơnuih ƀôn sang ngă bruă kơđi kjăp phik.