Pơhiăp amăng mông pel ĕp, Trung tướng Trương Thiên Tô djă pioh hăng pơsit yôm bruă prăp lui, dô̆ gak amra kơdŏng pơgang, pơhrăm, hăng wai lăng măi mok mơ̆ng Ƀirô git gai Khul ling tơhan hăng pơgang guai dêh čar tơring čar Dak Lak amăng tal Tết tui phiăn juăt Ất Tỵ.

Ơi Trương Thiên Tô rơkâo hơdôm mơnuih apăn bruă tơhan, ling tơhan mơ̆ng dua khul lăi pơthâo abih tơpă hơdôm tơlơi črâo ba, tơlơi pơtrun, kơtưn pel ĕp, gơgrong hlâo thâo kơjăp tơlơi, gum hrŏm hăng hơdôm khul pơkon pioh pơsir ba glăi bôh tơhnal hơdôm tơlơi amra hmâo hăng pơhlôm tơlơi hơdip mơda gơnam tam, pran jua kơ ling tơhan, djru ling tơhan mơ-ak Bơyan bơnga, čơkă Tết pơhlôm, klă hiam hăng pơkrem./.