Tơdơi kơ sa thun jak iâu pơplông, anom bruă čih tơlơi pơhing apah bơni Hră pơhing akŏ pơdong ping gah tơring čar Kon Tum tal II thun 2022 tŭ mă hơmâo 160 mơta tơlơi čih mơ̆ng 130 čô pô čih tơlơi pơhing, khul grup ngă hrom. Hơdôm mơta tơlơi čih lăi nao tong ten bruă akŏ pơdong ping gah.

Ƀơi mông ƀơk pri, Khul khua mua pơphun jao pri hơmâo apah bơni 1 pri A, 8 pri B, 12 pri C brơi kơ djop mơta tơlơi čih akŏ pơdong ping gah tơrring čar Kon Tum tal II thun 2022, anom bruă ping gah tơring čar Kon Tum hrom hăng bruă jak iâu pơplông čih hră pơhing phrâo kơ akŏ pơdong ping gah tơring čar Kon Tum tal III dơ̆ng thun 2023. Tui hăng anun, mơnuih ƀôn sang Việt Nam amăng tơring čar hăng gah rơngiao kơ tơring čar dưi čih tơlơi pơhing ră ruai kơ bruă akŏ pơdong ping gah tơring čar Kon Tum hơmâo in, hơmâo pôr amăng djop anom bruă pơhing phrâo lêng kơ dưi mơ-it ba pơplông soh.