Jơnum anai ăt pơgôp hiăp kơ Hră pơtrun git gai ling tơhan, pơgang lŏn ia hăng akŏ pơdong ping gah gah ling tơhan thun pơ anăp. Klah čun ƀơi mông jơnum, Khua git gai ping gah ơi Tô Lâm, ngă rah khua git gai ping gah ling tơhan dêh čar lăi pơtong thun 2025, abih bang amăng ling tơhan hơmâo ngă klă bruă jao, amăng anun bruă ngă ba glăi boh tơhnal tŭ yua hiam klă hloh; tŭ yua hiam amăng bruă akŏ pơdong ping gah ling tơhan dưi pơgang kơjăp.

Kơ anăp či mă bruă amăng thun 2026, Khua git ga ping gah ơi Tô Lâm pơtrun hiăp, anom bruă ping gah ling tơhan dêh čar hăng Ding jum ling tơhan pok pơhai ngă tui 6 khul bruă phun, amăng anun khom lăi pơthâo tong ten hăng ngă tŭ yua Hră pơtrun jơnum ruah khua ping gah dêh čar hăng 7 pok hră pơtrun phrâo mơ̆ng Ding jum kơđi čar. Khua git gai ping gah lăi pơtong, abih bang amăng ling tơhan khom ba gru hlâo, pơdah rai bruă glăm ba kơsung nao hlâo ngă tui jơlan hơdră mơ̆ng ping gah pơphô, djru hrŏm pơhlom pơgang hơđong dêh čar, rơnuk rơnua mơnuih mơnam hăng pơđĭ kyar lŏn ia.