VOV4.Jarai - Ngă tui tơlơi pơtrun mrô 120 mơng Kơnuk kơna, thun hrăm 2022-2023, Gơnong bruă pơtô hăng pơjuăt tơring čar Kon Tum hơmâo dưm dăp, brơi ƀing khua pơplih anih mă bruă đah mơng pơsir hĭ lu tơlơi ƀu djơ̆ laih anun kiăng hơmâo djŏp mơnuih wai lăng mơng hơdôm boh sang hră gưl 3. Rơđah biă ñu, hăng 8 boh sang hră gưl 3, hơmâo mrô Kơ-iăng khua sang hră lu hloh kơ tơlơi pơkă lĕ 2 čô, Gơnong bruă pơtô hăng pơjuăt tơring čar Kon Tum hơmâo pơplih nao rai anih mă bruă hăng 4 čô Kơ-iăng khua sang hră, nao mă bruă pơ hơdôm boh sang hră hơmâo 1 čô Kơ-iăng khua sang hră; 4 čô hơmâo hră rơkâo pơdơi bruă hăng 1 čô dong arăng plĕ hră brơi pơdơi ngă Kơ-iăng khua sang hră.

Gơnong bruă pơtô hăng pơjuăt Kon Tum pơpŭ bơni kơ nai pơtô rơgơi thun hrăm 2021-2022

Gơnong bruă pơtô hăng pơjuăt tơring čar Kon Tum brơi thâo bruă dưm dăp, pơplih nao rai anih mă bruă hăng ƀing khua sang hră gưl 3 amra hơmâo ngă dong mơn, đah mơng pơsir hĭ hơdôm tơlơi ƀu djơ̆, ngă hơđong mơnuih mă bruă, pơtrut tui tơlơi rơgơi mơng rim čô khua wai lăng sang hră.

Siu H’Mai: Pơblang