Amăng mông jao miđai, Khua tơhan Đại tướng Nguyễn Trọng Nghĩa, Khua anom bruă kơđi čar Ling tơhan dêh čar Việt Nam, pơ ala khua mua Ping gah, Kơnuk kơna jao miđai tơhan sông kơtang brơi anom bruă pơtop hrăm. Pơ ala brơi Ping gah ling tơhan, Khua mua Ding jum ling tơhan hăng anom bruă kơđi čar, Khua tơhan Đại tướng Nguyễn Trọng Nghĩa pơsit tong, 80 thun rơgao, anom bruă pơtop hrăm lêng kơ pơgiong klă bruă jao amăng pơphô bruă brơi gơnong bruă phun amăng ngă tui tơlơi pơmĭn, gru grua amăng djop khul ling tơhan.

Hơdôm thun pơ anăp, amăng rŏng lŏn tơnah, amăng kual him lăng tŏ tui pơplih, ngă tơnap tap, Đại tướng Nguyễn Trọng Nghĩa lăi rơđah, ƀing ngă soh, ngă pơčlah tŏ tui pơtrut kơtang bruă pơčut pơčao tui glông jơlan phara; hơdôm bruă phrâo ƀuh amăng tơlơi sit nik hrŏm hăng tơlơi bơdjơ̆ sat nao tơlơi bơwih ƀong huă, sĭ mơdrô, plang mơnuih mơnam hăng hơdôm tơlơi rung răng phrâo ba tơbiă tơlơi rơkâo jai hrơi prong amăng ngă tui tơlơi pơmĭn, gru grua ling tơhan.