Lơ 20/10, Anom kơsem min bôh thâo phrâo hơdră phrâo măi mok đang hmua đang kyâu Dăp Kơdư (ƀơi plơi prong Buôn Ma Thuột, tơring čar Daklak) pơphun Hơdor glăi 25 thun hrơi pơdŏng hăng čơkă mă Miđai mă bruă dăp tal sa. Hơdôm thun rơgao, Anom kơsem min bôh thâo phrâo măi mok đang hmua đang kyâu Dăp Kơdư hmâo ruah truh kih 15 mơta pơjeh kơ phê vối hmâo lu bôh, lu pơjeh tiu, ƀơr, ka kao klă hiam pioh pla.

Anai lĕ hơdôm pơjeh phun amăng hơdôm jơlan hơdră pla glăi kơ phê, pơplih hơdră phun pla ƀơi hơdôm bôh tơring čar kual Dăp Kơdư. Hrom hăng anun, anom ăt ba jơlan hlâo mơn, pơsit tơlơi ngă đang hmua ƀơi Dăp Kơdư, ngă gru grua pioh hơdôm bôh tơring čar amăng kual ngă tui hơdôm tơlơi pơkă pơđĭ kyar bruă đang hmua – đang kyâu. Anom pơtrut kơtang gum hrom jar kơmar, măng anun, hmâo gum hrom hăng Cuba kơ pơđĭ kyar kơ phê kơjăp phik; Gum hrom hăng Nestle amăng gum djru pơjeh kơ phê kơ mơnuih ngă đang hmua./.