Anai jing bruă hơmâo pơphun ngă na nao kơplah wah dua ding jum pơtom hiăp. Ƀơi mông jơnum, dua bơnah pơƀut bơkơtuai kơ bruă pok pơhai tơlơi rô nao rai ngă gŏp kơplah wah Việt Nam - Australia. Lăng glăi hrơi blan rơgao, tơlơi ngă hrŏm - sĭ mơdrô dua boh dêh čar pơđĭ kyar kơtang, tui anun prăk sĭ mơdrô thun 2022 hơmâo giăm 16 klai dolar, ba Việt Nam jing dêh čar ngă gŏp bơwih ƀong dong tal 10 mơ̆ng Australia laih anun Australia jing dêh čar ngă gŏp bơwih ƀong dong tal 7 ƀơi Việt Nam.

Hơdôm bruă ngă hrŏm phrâo kah hăng pơgang ayuh hyiăng, pơkra apui yua hơdjă glăk pơtrut ngă; amăng anun hơmâo prăk djru 105 klăk dolar AUD djru kơ Việt Nam man pơkra anih anom pơgang ayuh hyiăng pơplih laih anun pơkra apui ayuh hơdjă. Khua ding jum pơtom hiăp dêh čar Australia pơsit, Australia lăng tơlơi ngă hrŏm hăng dong yua tơlơi gơgrong bruă mơ̆ng ASEAN; tŭ ư pơtrut ngă hrŏm yua tơlơi đĭ kyar kơjăp mơ̆ng kual Mekong; ƀuăn djru kơ Việt Nam dưi pơgang ayuh hyiăng pơplih hăng pơđĭ kyar apui ayuh hơdjă.