Ƀơi Tân Thanh, mơ̆ng mơguah lơ 14/2, khul mă bruă ƀơi guai lŏn ia hmâo gơgrong hlâo pơpha glông jơlan, pơtô brơi bruă rô nao rai, dưm dăp rơdêh pơgiăng gơnam tam ƀơi jơlan pơgiăng gơnam tam. Hơdôm mơta gơnam tam sĭ blơi hăng dêh čar tač rơngiao biă ñu lĕ bôh troh bơnga hơbơi pơtơi anun lĕ bôh pơ-ô̆, mit, thanh long, tơmun mơkai.

Amăng sa hrơi, hmâo laih 110 bôh rơdêh pơgiăng bơnga bôh troh hmâo ngă hră pơ-ar ba nao sĭ găn bah amăng guai Tân Thanh. Dô̆ glăi bah amăng guai jar kơmar Hữu Nghị, yap truh akô̆ mông čơtlăm tom brơi (14/2) hmâo laih rơbêh kơ 30 bôh rơdêh pơgiăng gơnam sĭ dêh čar arăng (biă ñu sầu riêng, mit, thanh long) hăng 6 bôh rơdêh gơnam blơi mut. Mơ̆ng lơ 18/2, abih bang hơdôm bah amăng guai ƀơi tơring čar Lạng Sơn amra pơgiăng nao rai gơnam kah hăng rim hrơi tơđar. Hơdôm gơnam gêh gal pơgiăng nao rai dua bah amăng guai yôm phăn mơ̆ng Lạng Sơn dong mơ̆ng hơdôm hrơi tơdơi kơ Tết tui phiăn juăt dưi čang rơmang lĕ hơdôm gru klă kơ bruă mă ƀơi guai dêh čar mơ̆ng tơring čar pơ̆ anăp anai./.