Ƀơi hnoh ia Phú Câu, phường Tuy Hòa, rơbêh 80 boh ƀat tô wah akan ngư, kơnong kơ nao pơ ia rơsĭ amăng akŏ thun 2026 đôč; lu ƀat tô aka ƀu dưi nao yua ia jâo pơmă. Tui hăng jŭ yap, ƀat tô đuăi jua 400 mã lực pơ ngŏ, kiăng hơmâo 5-5,5 tơn ia jâo kơ sa blan nao pơ ia rơsĭ, lơ̆m anun nua akan năng ai 100.000 prăk/kg, khŏm hơmâo đoi đŏm ñu 2,5 tơn kah mơ̆ng dưi djŏp prăk ia jâo.

Ƀu kơnong ƀat tô ataih mơ̆ng hang đôč ôh, ƀat tô giăm hang ia ƀiă ăt tơnap mơn, yua prăk či ngă bruă đĭ dua wơ̆t, prăk pơhrui lĕ aset tui. Mah pơkrem laih ia jâo, kah hăng dưm măi hrip anih hơmâo akan, mă apui LED, ăt ƀu ƀong lơi. Mơnuih mă akan čang rơmang hơmâo tơlơi djru kơtang ƀiă đah mơ̆ng dưi nao pơ ia rơsĭ./.