Lu khua mua tŭ ư hăng hră lăi pơthâo mơ̆ng Kơnuk kơna kơ boh tơhnal mă bruă thun 2023 laih anun akŏ bruă bơwih ƀong huă mơnuih mơnam thun pơ anăp; lăi pơtong amăng hrơi blan tơnap tap hrŏm tơlơi bơwih ƀong huă ƀơi rŏng lŏn tơnah, samơ̆ Kơnuk kơna hơmâo tơlơi git gai lăp djơ̆, khut khăt hăng boh tơhnal dưi ngă lĕ lăp bơni biă mă. Lăng yôm boh tơhnal dưi ngă laih, lu khua mua lăi, kiăng dưi ngă djơ̆ rơnoh pơkă pơ anăp anai, Kơnuk kơna, djop ding jum, anom bruă kiăng pơblih kơtang hloh, brơi čan prăk amăng bruă kơnuk kơna hăng mơnuih ƀôn sang, pơblih hơdră sĭ mơdrô hăng djru tŭ yau hloh kơ sang bruă bơwih sĭ mơdrô rŭ glăi bruă mă tơdơi kơ tal klin Covid 19.

Lu khua mua rơkâo brơi đing nao hloh kơ bruă mơnuih mơnam, pơhlôm, pơgang tơlơi soh sat, boh nik ñu hơdôm tơlơi soh sat hơmâo amăng rơnuk phrâo. Ƀơi mông jơnum bơkơtuai, lu khua mua rơkâo brơi ngă rơđah anŏ pơkă pơpă kiăng ba yua 350.000 klai prăk kơ bruă gru grua boh thâo; laih anun brơi pơblang rơđah anŏ kiăng ngă hăng hơdră či ngă, tơhnal pơkă mơ̆ng hơdră anai, mơ̆ng anun mơ̆ng thâo tong ten prăk yua mơ̆ng pơpă kiăng găl.