Lơ 27/1, Kông ang să Nhân Cơ, tơring čar Lâm Đồng brơi thâo, hơmâo mă pơkŏng dua čô mơnuih anun lĕ N.N.Q (SN 1990, dŏ ƀơi să Nhơn Cơ) hăng Đ.V.T (SN 1997, dŏ ƀơi să Thuận Hạnh) kơ bruă sĭ gơnam arăng kŏm anun lĕ mlăi. Hlâo anun, mơmŏt lơ 23/1, kông ang ĕp ƀuh N.N.Q glăk pơgiăng 7 anung mlăi, anai lĕ anung 49 asar; nao pel ĕp ƀơi anih dŏ hơdip ĕp ƀuh dong 2 anung. Mơng tơlơi pô anai pơhaih, anom bruă bơdjơ̆ nao pơsit mlăi anai yua Đ.V.T sĭ brơi hăng iâu ƀing pô anai tơbiă mă bruă.

Hrơi anun mơn, kông ang phường Tân An, tơring čar Dak Lak ăt mă pơkŏng Bùi Quang Nhật (33 thun, dŏ amăng phường Tân An) yua sĭ dŏp mlăi pơkra ča čot; pô anai rơkâo blơi 4 anung mlăi kơtrâ̆o 7 kĭ amăng plang mơnuih mơnam hăng dŏp lui amăng sang tơdơi anun arăng ĕp ƀuh.