Jơnum anai dưi pôr amăng jua pơhiăp dêh čar hăng pơdah rup pơdah kơ mơnuih ƀôn sang ĕp lăng amăng đơ đam dêh čar. Lăi pơthâo boh tơhnal bơwih ƀong huă mơnuih mơnam brơi ƀuh, him lăng amăng thun hơmâo 14/15 tơhnal pơtrun dưi ngă hăng lu hloh rơnoh jao. Anai lĕ sa tơlơi gir run mơ̆ng abih anom bruă kơđi čar hăng abih bang mơnuih mơnam, pran kơtang pơtrut ngă tui akŏ bruă 5 thun. Khă tui anun, kơnong tơhnal pơkă pơđĭ boh tŭ yua amăng bruă mă aka ƀu dưi ngă djop. Hnong pơđĭ kyar boh tơhnal mă bruă đĭ kơnong mơ̆ng 4,7-5,2%, aset hloh tơhnal pơkă mơ̆ng 0,3-0,5%.

Jơnum lok 4, khua mua pơ ala mơnuih ƀôn sang dêh čar tal 15

Anai lĕ rơnoh yôm biă mă pơkă hnong pơhno bơwih ƀong huă. Lơ̆m hnong pơđĭ kyar bơwih ƀong huă him lăng đĭ hloh 2% pơkă hăng akŏ bruă hăng GDP pơkă bơkơnar rĭm čô mơnuih mă bruă đĭ hloh rơnoh pơkă. Ƀơi mông jơnum bơkơtuai tơlơi bơwih ƀong huă mơnuih mơnam hăng yua prăk kơnuk kơna, ƀing pơ ala hăng mơnuih ruah khua čang rơmang biă mă, ƀing khua mua pơ ala khom pơdah thâo hơdră ƀuh sit nik, pơjing pran kơtang ba lŏn ia ta dưi rŭ glăi klă hloh tơdơi kơ Covid 19.