Ƀing pơ ala mơnuih ƀôn sang dêh čar pơčrong sai Tơlơi phiăn Apui lơtrik čih pơkra glăi, tui hăng hră lăi pơthâo, Kơčăo bruă Tơlơi phiăn Apui lơtrik tơdơi kơ 20 thun ngă tui hơmâo 4 wơ̆t čih pơkra pơhrua glăi, samơ̆ truh ră anai ăt dŏ anŏ kơƀah aka ƀu gêh găl, tui hăng anŏ kiăng rơnuk anai, djơ̆ hăng anŏ pơtrun mơ̆ng Ping gah amăng bruă yua apui yua lăi hrŏm hăng apui lơtrik lăi pha.

Tơlơi phiăn Apui lơtrik čih pơkra glăi hơmâo 9 črăn hăng 119 mơta tơlơi, đĭ tui 60 mơta tơlơi pơkă hăng tơlơi phiăn hơđăp. Tui hăng pô pơ ala ơi Nguyễn Quang Huân, grup mơ̆ng tơring čar Bình Dương lăi, tơlơi phiăn anai kiăng hơmâo hơdôm tơlơi pơkă tum teč rơđah rơđong kơ bruă yua apui lơtrik hơdjă, anăp nao pơgang anŏ hơdjă mơtah mơda. Kơsem min lăng brơi ƀuh, Tơlơi phiăn apui lơtrik čih pơkra glăi, pô pơ ala Cẩm Hà Chung, grup mơ̆ng tơring čar Phú Thọ lăi lĕ, tơlơi phiăn pơkă kơ bruă pơsir tơlơi soh khom tong ten, bĕ anŏ pơkă hrŏm hrŏm đôč, tơnao či ngă tui.