Tui hăng tơlơi pơtong glăi mơ̆ng Kơnuk kơna, rơnoh prăk jŭ yap mơ̆ng kơnuk kơna amăng thun blan dŏ bưp lu tơlơi tơnap tap ƀu tơphă yua tơlơi bơwih ƀong huă-mơnuih mơnam amăng dêh čar hăng mơ̆ng tač rơngiao hơmâo lu tơlơi pơblih, rơnoh prăk pơhrui glăi kơ kơnuk kơna ăt hơmâo hmăi ƀiă mơ̆n, pơwơ̆t glăi djơh hăng tơđar, anih sĭ mơdrô gơnam pơprong lir hơbit hăng gơnam lŏn sang hlăk rŭ glăi, bruă pơčruh ngăn, hrŏ prăk mơ̆ng kơnuk kơna pơčruh hrŏm ăt dŏ kaih đơi...ba truh tơlơi tơnap tap amăng bruă pơhrui duh jia anun ƀu thâo yap lăng hlâo ôh.

Lơ̆m anun, tơlơi kơtrâ̆o tuh pơplai mă yua prăk kăk lĕ lu, hơmâo kah hăng: tuh pơplai prăk kơ lu ring bruă yơyom amăng dêh čar, djop anom bruă pơprong amăng bruă kơđi čar anŏ či kiăng ječ ameč, bruă pơtom hiăp, pơgang lŏn ia, djru pơhơđong tơlơi hơdip mơda kơ mơnuih mơnam....Kơ rơnoh prăk kơnuk kơna ba yua, hơdră pơpha prăk mơ̆ng gơnong dlông thun 2025, Kơnuk kơna jŭ yap pơpha tui tơlơi phiăn pơtrun: đing nao hlâo hloh tuh pơ alin pơđĭ kyar ƀơi anŏ kiăng samơ̆ man ƀrô; ba yua rơnoh prăk tla hnưh khom djop, djơ̆ hrơi blan; jŭ yap rơnoh prăk djă pioh, pơhlôm lui hlâo, prăk djă pioh kông ngăn dêh čar kiăng man ƀrô djơ̆ lăp hơđong, pioh pơsir hmao kru sit hơmâo tơlơi ječ ameč či kiăng.