Amăng mơguah hrơi anai, ƀing khua mua pơ ala mơnuih ƀôn sang dêh čar pơčrong sai ƀơi sang jơnum prong hăng pel ĕp glăi boh tơhnal krăo lăng bruă pơsir tơlơi rơkâo mơ̆ng mơnuih ƀôn sang ruah khua mơ-it nao truh jơnum lok 5, khua mua pơ ala mơnuih ƀôn sang dêh čar tal 15, Khua khul pơ ala pơđing hmư̆ tơlơi rơkâo mơ̆ng mơnuih ƀôn sang gah Jơnum min apăn bruă phun pơ ala mơnuih ƀôn sang dêh čar, Dương Thanh Bình brơi thâo, truh ră anai, 2 rơbâo 751 tơlơi rơkâo hơmâo pơsir giong laih, lăi glăi hăng mơnuih ruah khua, dưi ngă djop 99%.

Mơnuih ƀôn sang ruah khua lăng yôm bruă mă pơblih phrâo mơ̆ng ƀing pơ ala mơnuih ƀôn sang dêh čar, hơmâo ba glăi boh tŭ yua, ƀuh rơđah bruă mă mơ̆ng ƀing pơ ala jai hrơi jĕ giăm mơnuih ƀôn sang hloh. Tơlơi pơkă pioh kơ ƀing pơ ala mơnuih ƀôn sang dêh čar pơ anăp anai ăt pơtrut ngă bruă ba glăi boh tŭ yua lu hloh dơ̆ng mơ̆n, krăo lăng tong ten pơsir bruă mơnuih ƀôn sang rơkâo tui hăng tơlơi phiăn kơnuk kơna pơkă; djop grup pơ ala mơnuih ƀôn sang hơmâo čih pioh, pơpha ĕp lăng tơlơi rơkâo mơ̆ng mơnuih ruah khua laih anun  rơkâo brơi pơsir lăp djơ̆.