Ƀơi mông pơčrong sai, Khua ding jum jơlan glông hăng pơdŭ pơgiăng ơi Nguyễn Văn Thắng brơi thâo, phun ñu ngă kơ kơčăo bruă kaih hĭ, rơngiao kơ hơdôm tơlơi pơdjơ̆ nao mơ̆ng gah rơngiao hơmâo pơblang laih, Hră lăi pơthâo mơ̆ng Kơnuk kơna pơčrâo rơđah, phun ñu kaih, ƀing khua mua apăn bruă jơnum min mơnuih ƀôn sang tơring čar Đồng Nai lơ̆m thun blan ngă tui kơčăo bruă lĕ pơblih pơhrua na nao.

Tui hăng ƀing khua mua lăi, ƀuh rơđah kơčăo bruă tơdron rơdêh por Long Thành ngă kaih biă hăng bưp lu tơlơi tơnap tap. Ƀing khua mua lăi lĕ, hơmâo lu tơlơi ba truh, Kơnuk kơna dêh čar, gong gai tơring čar Đồng Nai kiăng pơblang rơđah đah mơ̆ng hơmâo tơlơi hrăm djơ̆ lăp tơdơi anai hăng sit pok pơhai kơčăo bruă tui anun khom hơmâo hơdră pơsir mơtam. Rơngiao kơ anun, lơ̆m pok pơhai kơčăo bruă pơtô hrăm, pơsir bruă mă hăng pơphun ngă hơđong tơlơi hơdip mơda kơ mơnuih ƀôn sang dŏ kaih, lơ̆m anun anŏ anai jing boh yôm phun. Khua mua pơ ala kiăng kơsem min, pơtong lăng tong ten hăng hơmâo hơdră pơsir tum teč kơ tơlơi anai.