Akŏ bruă pơđĭ kyar bơwih ƀong huă mơnuih mơnam thun 2023 yua kơ Khua dêh čar ơi Phạm Minh Chính pơdah thâo amăng mông phrâo pok jơnum khua mua pơ ala mơnuih ƀôn sang dêh čar, hơmâo lăi rơđah ăt djă bong kjăp đing nao pơgang hơđong hơdră bơwih ƀong huă dêh čar, pơgăn tơlơi hơmâo prăk trun nua, pơtrut hnong pơđĭ kyar, kiăng ngă bơkơnar tơlơi bơwih ƀong đơr hơr amăng dêh čar. Amăng 12 khul bruă mă, hơdră mơ̆, Khua dêh čar ta pơdah thâo, pơtum nao kơ bruă ngă hơđong tơlơi bơwih ƀong huă prong, pơgăn prăk trun nua; ngă pơgiong tơlơi phiăn git gai amăng bruă mă, kiăng pơđĭ tui boh tŭ yua ngă tui tơlơi phiăn kơnuk kơna;

Pơtrut bruă pơhlôm, pơgăn tơlơi soh sat ƀong kông ngăn, kơtưn bruă ngă tui tơlơi phiăn, ngă djơ̆ tơpă mông mă bruă, ƀư̆ pran jua hiam klă amăng bruă git gai kơnuk kơna. Gleng nao pơđĭ kyar hlom bom hăng sa hnong amăng bruă gru grua hiam, pơgang djơ̆ anŏ ngă mơak kơplah wah pơđĭ kyar bơwih ƀong huă hăng djă pioh gru grua, mơnuih mơnam, pơhlôm hơđong tơlơi hơdip mơda mơnuih mơnam, pơđĭ tui gơnam ƀong huă brơi djop, ngă mơak pran jua kơ mơnuih ƀôn sang.