Thun 2018, Binh đoàn 15 hăng Khul git gai pơjing kơđi čar ƀon lan hăng pơđĭ kyar ƀon lan djop mơta (Ding jum ling tơhan Lao) pơphun mông kĭ hră pơkôl ngă hrŏm giang mah. Dua bơnah hơmâo gum hrŏm pơphun lu bruă mă hyu čuă ngui, pơhrăm, pơlăi nao rai tơlơi găn rơgao amăng hơbô̆ bruă ngă hmua-đang glai, pơtô pơjuăt, ia jrao pơlir hăng bruă wai pơgang rơnuk rơnua; gum hrŏm pel ĕp hơdôm tơlơi gal ƀơi tơring čar Xay Sổm Bun hăng tơring čar Xiêng Khoảng ngă akŏ phun djru brơi dêh čar anai pok pơhai hơdôm akŏ bruă.

Binh đoàn 15 djru brơi hloh kơ bruă djru mơnuih bưp tơlơi truh sat, ba đuăi hơdôm rơtuh boh sang anŏ tơbiă mơng kual prap dưm dăp man pơdong truh pơ anih dŏ hơđong; gum hrŏm amăng khăm pơjrao, ƀơk jrao soh sel brơi hơdôm rơbêh čô mơnuih ƀon sang. Lăng yôm hơdôm tơlơi gum pơgôp, Ding jum ling tơhan dêh čar Lao hơmâo jao hla kơ blah dưi hăng miđai sông kơtang mrô II, III brơi khul grup, ƀing mơnuih amăng Binh đoàn 15.