Hluai tui bruă lăi glăi 20 tơlơi tơña amăng tal pơplông “Pơyuh teng mah”, ƀing čơđai sang hră gưl sa hăng gưl dua Lương Thế Vinh, să Ia Pnôn, tơring čar Gia Lai hluh ƀiă dong kơ kual giăm guai dêh čar, tơlơi phiăn wai pơgang guai dêh čar Việt Nam kah hăng mă bruă mơng tơhan wai pơgang guai. Mơng anun, pơgôp hluh ƀiă dong tơlơi phiăn, pơtrut pran khăp lŏn ia hăng tơlơi glăm ba wai pơgang lŏn ia lơm ƀing čơđai glăk dŏ hrăm hră.

Amăng jơlan hơdră anai, anom bruă git gai tơhan wai pơgang guai tơring čar Gia Lai hơmâo jao brơi neh met wa amăng plơi Triêl sa “Ring bruă rơđah bơngač kual giăm guai” nua ñu rơbêh 75 klăk prăk; ƀơk 50 anung gơnam brơi ƀing čơđai sang hră tơnap tap.